वेंगुर्ला : सिंधुदुर्ग जिल्ह्याचे पालकमंत्री नितेश राणे यांनी आज वेंगुर्ला येथे प्रसिद्ध व जागृत देवस्थान श्री देव मानसीश्वराचे दर्शन घेत वेंगुर्ला नगरपरिषद निवडणुकीसहीत जिल्ह्यातील चारही नगरपरिषदांमध्ये भाजपाची सत्ता येण्यासाठी साकडे घातले.
वेंगुर्ला येथे आज भाजपचे उमेदवार आणि मतदारांशी चर्चा करण्यासाठी पालकमंत्री नितेश राणे वेंगुर्ल्यात आले होते. यावेळी सर्वप्रथम त्यांनी श्री देव मानसीश्वराचे दर्शन घेतले. यावेळी जिल्हा बँक अध्यक्ष मनिष दळवी, प्रदेश परिषद सदस्य राजू राऊळ, भाजपाचे नगराध्यक्ष पदाचे उमेदवार दिलीप गिरप, तालुकाध्यक्ष पपू परब, जिल्हा बँक संचालक महेश सारंग, नगरसेवक पदाचे उमेदवार सुहास गवंडळकर, रविंद्र शिरसाठ, प्रणव वायंगणकर, गौरी मराठे, प्रितम सावंत, शितल आंगचेकर, सुषमा प्रभूखानोलकर, आकांक्षा परब, ज्येष्ठ पदाधिकारी दाजी परब, खरेदी विक्री संघ चेअरमन ज्ञानेश्वर केळजी, जिल्हा कार्यकारिणी सदस्य साईप्रसाद नाईक, मच्छिमार नेते वसंत तांडेल यांच्यासहीत भाजपाचे पदाधिकारी व कार्यकर्ते उपस्थित होते.
