कुडाळ : चेंदवण येथील डॉ. बाबासाहेब आंबेडकरनगर येथील अनंत चेंदवणकर यांना आमदार निलेश राणे यांच्या आदेशाने, जिल्हाप्रमुख दत्ता सामंत, नेते संजय पडते यांच्या माध्यमातून आर्थिक मदत सुपूर्द करण्यात आली. तसेच घरासाठी पत्रे व अन्य सामान पाठवून कामाला ताबडदोब सुरुवात केली.
चेंदवण भारतरत्न डॉ. बाबासाहेब आंबेडकरनगर येथील अनंत चेंदवणकर यांच्या घरावर २५ जुलै रोजी फणसाचे झाड पडून घराचे मोठे नुकसान झाले आहे. अनंत हे आजाराने त्रस्त आहेत. सध्या कुटुंबाला घर दुरुस्तीसाठी तत्काळ मदतीची गरज असल्याचे शिवसेना आमदार निलेश राणे यांना समजताच शिवसेना जिल्हाप्रमुख दत्ता सामंत आणि शिवसेना नेते संजय पडते माध्यमातून अनंत चेंदवणकर यांच्या पत्नीकडे आर्थिक मदत देण्यात आली. तसेच घर बांधकामासाठी लागणारे सर्व साहित्य पाठवून घर दुरुस्तीचे काम तत्काळ चालू करण्यात आले. यावेळी शिवसेना कुडाळ तालुकाप्रमुख विनायक राणे, शिवसेना संघटक रुपेश पावसकर, दशावतार राज्य कमिटी सदस्य देवेंद्र नाईक, शिवसेना नेरूर विभागप्रमुख किशोर सावंत, युवासेना उपजिल्हाप्रमुख संदेश नाईक आदी पदाधिकारी कार्यकर्ते उपस्थित होते.
