कणकवली : मासेमारीवर परिणाम होईल म्हणून जपान सरकारचं मरीन पार्क होऊ दिल नाही. तर सिडकोचं काय घेऊन बसलात ? कोकणातल्या कोणत्याही किनारपट्टीवरील एक इंचही जागा सिडकोला खरेदी किंवा संपादीत करू देणार नाही. असा इशाराच केंद्रीयमंत्री तथा महायुतीचे उमेदवार नारायण राणे यांनी कणकवली येथील जाहीर सभेत दिला. कोकण किनारपट्टीवरील जागा सिडको ताब्यात घेऊन विकसित करणार असे सोशल मीडियावर चर्चा आणि पत्र व्हायरल होत होते. त्या पार्श्वभूमीवर केंद्रीयमंत्री नारायण राणे यांनी आपली भूमिका स्पष्ट केली.