कुडाळ : शालेय क्रीडा स्पर्धेत तेंडोली येथील परशुराम नाईक मास्तर हायस्कूलने सलग दुसऱ्या वर्षी उत्कृष्ट कामगिरी करीत आपले वर्चस्व कायम राखले आहे. शाळेच्या १४ वर्षाखालील मुलगे, १७ वर्षाखालील मुलगे व १७ वर्षाखालील मुलींच्या क्रिकेट संघाने तालुकास्तरीय स्पर्धेत प्रथम क्रमांक मिळविला. तसेच शाळेचा दहावीतील विद्यार्थी दीपक कानेरकर याची ५१ किलो वजनी गटात फ्री-स्टाईल कुस्तीमध्ये विभागीय स्तरावर निवड झाली.
या सर्व खेळाडूचे मुख्याध्यापक शुक्रांत समुद्रे यांनी अभिनंदन केले. शिक्षक योगेश समुद्रे यांचे विद्यार्थ्यांना मार्गदर्शन लाभले. सहाय्यक शिक्षक अशोक काळे व अमर तांडेल, शिपाई कर्मचारी शांताराम चिंदरकर, शिक्षकेतर कर्मचारी तुषार शिर्के यांनी विद्यार्थ्यांचे अभिनंदन केले.
