कुडाळ : महिला पतंजली योग समिती, सिंधुदुर्गची मासिक बैठक नुकतीच कुडाळ येथे पार पडली. या बैठकीत जिल्ह्यातील महिला पदाधिकारी आणि कार्यकर्त्यांनी मोठ्या संख्येने हजेरी लावली होती. या बैठकीमध्ये कुडाळ तालुका महिला पतंजली योग समितीची नवीन कार्यकारिणी गठीत करण्यात आली.
यावेळी महिला पतंजली योग समितीच्या जिल्हा प्रभारी सौ. रश्मी आंगणे, महामंत्री सौ. प्रिया कोचरेकर, कोषाध्यक्ष सौ. तृप्ती तोरसकर, आणि संघटनमंत्री सौ. दिपश्री खाडिलकर या जिल्हा कार्यकारिणी सदस्या उपस्थित होत्या. तसेच, महिला पतंजलीच्या तालुका प्रभारी सौ. प्रतिभा सामंत यांचाही सहभाग होता.
बैठकीला उपस्थित असलेल्या प्रमुख महिला कार्यकर्त्यांमध्ये श्रेया बांदेकर, शिल्पा पडते, निशा कडावलकर, दीप्ती ठाकूर, मृणाली गवंडे, श्रेया आळवे, तृप्ती सावंत, आणि स्नेहल कडोलकर यांचा समावेश होता.
या बैठकीत सर्वांच्या संमतीने कुडाळ तालुका महिला पतंजली योग समितीची नवी कार्यकारिणी जाहीर करण्यात आली. नवनिर्वाचित कार्यकारिणी पुढीलप्रमाणे:
* तालुका प्रभारी: सौ. प्रतिभा सामंत
* महामंत्री: श्रेया बांदेकर
* संघटनमंत्री: शिल्पा पडते
* कोषाध्यक्ष: निशा कडावलकर
* सोशल मीडिया प्रभारी: कविता कुंटे
* संपर्क प्रमुख: दीप्ती ठाकूर
* युवती प्रभारी: श्रेया आळवे
बैठकीच्या शेवटी सर्व नूतन पदाधिकाऱ्यांचे अभिनंदन करण्यात आले आणि त्यांच्या पुढील वाटचालीस शुभेच्छा देण्यात आल्या.
