रत्नागिरी : गोगटे-जोगळेकर महाविद्यालयाच्या "झेप 2024" सांस्कृतिक महोत्सवात यावर्षी प्रतिष्ठेचा दांडेकर मानचिन्ह कौशल मोहिते याला प्रदान करण्यात आला. त्यांच्या अप्रतिम कलागुणांना आणि मेहनतीला हा बहुमान मिळाला आहे. सन्मानासाठी परीक्षक म्हणून प्रख्यात व्यक्तीमत्वे समीर इंदुलकर  आणि सतीश दळी यांनी उत्कृष्ट निवड प्रक्रिया पार पाडली. प्रमुख आकर्षण अभिनेता रोहित शिवलकर उपस्थित होता.

कौशल मोहिते याचा गौरव :

कौशल यांनी त्यांच्या सर्जनशीलतेने आणि कलेप्रती समर्पणाने झेप 2024 च्या मंचावर आपली छाप सोडली. त्यांच्या मेहनतीने आणि कौशल्याने हा सन्मान मिळवून, महोत्सवात नवा मानदंड प्रस्थापित केला.

दांडेकर मानचिन्हाचे महत्त्व :

हा सन्मान गोगटे-जोगळेकर महाविद्यालयातील विद्यार्थ्यांसाठी अभिनय कलेतील उत्कृष्टतेचा सर्वोच्च पुरस्कार मानला जातो. गेली ५५ वर्षे ही परंपरा महाविद्यालयाच्या सांस्कृतिक वारशाला समृद्ध करत आहे. "झेप 2024" मध्ये कौशल मोहिते यांना मिळालेला हा सन्मान महोत्सवाचा सुवर्ण क्षण ठरला आहे.  "झेप 2024" चा हा महोत्सव विद्यार्थ्यांच्या सांस्कृतीक प्रतिभेला वाव देणारा व सर्वांसाठी प्रेरणादायी ठरला.

झेप महोत्सव समन्वयक डॉ आनंद आंबेकर आणि प्राध्यापक शिक्षकेतर कर्मचारी यांनी खुप मेहनत घेतली आहे. विद्यार्थी सचिव मिहिका केनवडेकर , सांस्कृतिक प्रतिनिधी स्वराज साळुंखे आणि कोअर कमिटी आणि विद्यार्थी मंडळ खुप मेहनत घेतली आहे.

रत्नागिरी एज्युकेशन सोसायटीचे पदाधिकारी कार्याध्यक्षा शिल्पाताई पटवर्धन , कार्यवाह श्री.सतीश शेवडे , सह कार्यवाह प्रा.श्रीकांत दुदगिकर, प्राचार्य डॉ.मकरंद साखळकर, प्रशासकीय उपप्राचार्य डॉ.सुरेंद्र ठाकूरदेसाई, उपप्राचार्य डॉ.अपर्णा कुलकर्णी, उपप्राचार्य डॉ.चित्रा गोस्वामी, उपप्राचार्य डॉ.सीमा कदम यांनी सर्व विद्यार्थांचे अभिनंदन केले आहे.