वेंगुर्ला : तालुक्यातील म्हापण जिल्हा परिषद मतदार संघातील निवती-कोचरा हि दोन गावं जोडणार सुमारे ५ कोटी निधीचे पूल, निवती-श्रीरामवाडी जोडणारे सुमारे ५ कोटी निधीचे झुलते पूल, परुळे येथील ३ कोटी २४ लाख निधीची प्राथमिक आरोग्य केंद्र नवीन इमारत, मुख्यमंत्री ग्राम सडक अंतर्गत सुमारे ३ कोटी ४३ लाखांचा परुळे ते कर्ली रस्ता, सुमारे ५० लाखांचा किल्ले निवती ते किल्ल्याकडे जाणारा रस्ता मजबुतीकरण आणि डांबरीकरण करणे, चिपी कालवणड येथील रस्ता या कामांची भूमीपूजन शिवसेना तालुकाप्रमुख नितीन मांजरेकर यांच्या हस्ते शिवसेना, भाजप, राष्ट्रवादी आणि आरपीआय पदाधिकारी व कार्यकर्ते यांच्या प्रमुख उपस्थितीत करण्यात आली. यावेळी बोलताना शिवसेना उपजिल्हाप्रमुख सचिन देसाई यांनी म्हापण जिल्हा परिषद मतदार संघामध्ये जो विकास दिसत आहे तो आमच्या भागातील लोकप्रिय आमदार तथा राज्याचे शालेय शिक्षण मंत्री दीपक केसरकर यांच्या कार्यपद्धतीमुळे आहे. मंत्री केसरकर यांची जी काम करण्याची धडपड आहे त्यातून आपल्या भागातील कायापालट होताना दिसत आहे. दिपक केसरकर यांच्या माध्यमातून या भागात मोठ्या प्रमाणात विकास निधी मंजूर झाला आहे. यापुढे अशीच विकासाची गंगा वाहणार असून त्यासाठी येथे विधानसभेत मंत्री केसरकर यांच्या पाठीशी ठामपणे उभे राहणे गरजेचे असल्याचे आवाहन त्यांनी केले.
यावेळी तालुकाप्रमुख नितीन मांजरेकर म्हणाले की, आपल्या भागातील राहिलेला विकास पूर्ण करण्यासाठी पुन्हा एकदा दिपक केसरकर यांना आपण मंत्री पदावर बसण्याची संधी देऊन त्यांचे हात बळकट करण्याचे आवाहनही केले. यावेळी माजी सरपंच महेश सामंत बोलताना म्हणाले की, केवळ निवडणूक जवळ आली की दिपक केसरकर काम करत नाहित तर गेल्या पाच वर्षांत पाहिजे त्या विकास कामांसाठी केसरकर यांनी मोठ्या प्रमाणात निधी दिला आहे. यामुळे येणाऱ्या काळात मंत्री केसरकर यांना भरघोस मतांनी विजयी करून त्यांच्या पाठीशी ठामपणे उभे राहण्याची गरज असल्याचे त्यांनी सांगितले. मतही यावेळी व्यक्त केले.
यावेळी उपजिल्हाप्रमुख सुनील मोरजकर, भोगवे माजी सरपंच महेश सामंत, विभाग प्रमुख देवदत्त साळगावकर, जान्हवी तेली, ओंकार सामंत, चेतन सामंत संभाजी आचरेकर, मच्छीमारी सेल तालुकाप्रमुख काशीनाथ नार्वेकर, माजी सभापती वंदना किनळेकर, कुशेवाडा सरपंच निलेश सामंत, माजी नायब तहसीलदार सुभाष चौधरी, कोचरे तंटामुक्त अध्यक्ष ब्रिजेश तायशेटे, मेढा निवती सरपंच अवधूत रेगे, उपसरपंच अनंत सापळे, कुशेवाडा,श्रीरामवाडी बुथ प्रमुख आबा कोचरेकर, विष्णु फणसेकर ,निवती पोलिस पाटील जोगेश सारंग ,श्रीरामवाडी पोलिस पाटील आर्या आंबडोसकर, कालवंडवाडी पप्पू पवार , माधवी सरमळकर, किल्ले निवती सरपंच रुपेश मुंडये, केसरकर, रमेश गावडे, प्राजक्ता चिपकर, तन्वी दुधवडकर, संतोष करलकर यांच्यासहित महायुती पदाधिकारी कार्यकर्ते व ग्रामस्थ मोठ्या संख्येने उपस्थित होते.
