सावंतवाडी : क्षेत्रफळ मधील वन विभागाच्या राखीव जंगलात असलेल्या खैराची खोदून, तोड करत असलेल्या तीन आरोपींपैकी दोन फरार आरोपींना अटक करण्यात येऊन आज सावंतवाडी न्यायालयात हजर केले असता त्यांना 24 ऑगस्ट पर्यंत वनकोठडी सुनावण्यात अली.

       याबाबत सविस्तर वृतांत असा की, दिनांक 18 ऑगस्ट क्षेत्रफळ मधील राखीव जंगलात खैरतोड करीत असलेल्या तीन आरोपींवर सायंकाळच्या दरम्यान वनकर्मचारी यांनी झडप घालून पकडण्याचा प्रयत्न केला असता, एक आरोपी ताब्यात मिळाला व इतर दोन आरोपी पळून जाण्यात यशस्वी झाले. त्यातील पकडला गेलेल्या आरोपीचे नाव लवू एकनाथ गावडे, रा.वेत्ये(वय-34) असे होते, तर गुन्हेस्थळावरून फरार झालेल्या दोन आरोपींची नावे संदीप रामा गावडे व विश्वास बाळा गावडे अशी असून दोघे ही रा.वेत्ये येथील होते. काल सायंकाळच्या दरम्यान दोघा फरार आरोपींना वन विभागाने चौकशीसाठी ताब्यात घेतले व तपासात सहकार्य करत नसल्याने त्यांना अटक करण्यात आली.  या अटक आरोपींना आज सावंतवाडी येथील न्यायालयात हजर करण्यात आले असता सावंतवाडी न्यायालयाने त्यांना 24 तारखेपर्यंत वन कोठडी सुनावली. यादरम्यान वन विभागाची बाजू सावंतवाडी वनक्षेत्रपाल मदन क्षीरसागर व सरकारी वकील ऍड.धनश्री गोवेकर यांनी प्रभावीपणे मांडली.

        सदर कोर्टकेस कार्यवाही ही उपवनसंरक्षक सावंतवाडी श्री. एस.नवकिशोर रेड्डी यांचे मार्गदर्शनाखाली वनक्षेत्रपाल मदन क्षीरसागर, वनपाल-पृथ्वीराज प्रताप, प्रमोद राणे, वनरक्षक-संग्राम पाटील, सागर भोजने, अप्पासो राठोड, चंद्रकांत पडते यांनी यशस्वीपणे पार पाडली.