कणकवली : असलदे येथील ग्रामदैवत रामेश्वर पावणादेवी अखंड हरिनाम सप्ताह १ डिसेंबर रोजी गावठण येथील चव्हाट्यावर होणार आहे. त्यानिमित्त प्रथे परंपरेनुसार धार्मिक, सांस्कृतिक कार्यक्रमांचे आयोजन करण्यात आले आहे. हरिनाम सप्ताहानिमित्ताने विविध दुकाने, व्यापारी, विद्युत रोषणाईने परिसर उजळून निघाला आहे.
हरिनाम सप्ताहाच्या निमित्ताने असलदे चव्हाटा परिसराला विद्युत रोषणाई करण्यात आली आहे. सकाळी १० वाजता घटस्थापना, त्यानंतर गावातील नागरिकांची गा-हाणी, नवस बोलणे, नवस फेडणे, माहेरवासिणींच्या ओट्या भरणे, रात्री गावातील वारकरी भजने असे कार्यक्रम होणार आहेत. भाविकांनी लाभ घ्यावा, असे आवाहन करण्यात आले आहे.
