कणकवली : राजीव गांधी स्पोर्ट्स कॉम्प्लेक्स बंगळूरू येथे झालेल्या ४२ वी राष्ट्रीय ज्युनिअर क्योरेगी व १५ वी पुमसे तायक्वांदो स्पर्धेत प्रज्योती श्रीकांत जाधव हिने ५९ ते ६३ किलो वजनी गटामध्ये उत्कृष्ट खेळाचे प्रदर्शन करत कांस्यपदक पटकावले आहे. प्रज्योतीने याआधीही शालेय राज्यस्तरीय स्पर्धेत सुवर्णपदक पटकावले आहे व तिची जम्मू-काश्मीर येथे होणाऱ्या राष्ट्रीय स्पर्धेसाठी निवड झाली आहे. प्रज्योती बारावी सायन्स मध्ये माध्यमिक विद्यामंदिर कनेडी येथे शिकत आहे. नगर वाचनालय कणकवली येथील मास्टर स्पोर्ट तायक्वांदो अकॅडमी मध्ये राष्ट्रीय ताइक्वांदो प्रशिक्षक व पंच एकनाथ धनवटे यांच्या मार्गदर्शनाखाली प्रशिक्षण घेत आहे.
या यशाबद्दल तिचे शिवछत्रपती पुरस्कार विजेते व आंतरराष्ट्रीय प्रशिक्षक व पंच प्रवीण बोरसे तसेच तायक्वांदो असोसिएशन ऑफ सिंधुदुर्गचे पदाधिकारी भालचंद्र कुलकर्णी, सुधीर राणे,विनायक सापळे, अमित जोशी, तसेच क्रीडा शिक्षक महासंघ सिंधुदुर्गचे अध्यक्ष बयाजी बुराण यांनी अभिनंदन केले आहे.
