सिंधुदुर्गनगरी :  लाज घेताना रंगेहात पकडलेले सहकारी संस्था उपनिबंधक माणिक सांगळे आणि कार्यालय अधीक्षक उर्मिला यादव यांना आज न्यायालयासमोर हजर केले असता न्यायालयाने या दोघांनाही न्यायालयीन कोठडी दिली आहे. 

   गृहनिर्माण संस्थेच्या नोंदणी कामी यातील तक्रारदार यांचे श्री. स्वामी समर्थ गृहनिर्माण संस्था मर्यादीत, रेवतळे, मालवण, जि. सिंधुदुर्ग या गृहनिर्माण संस्थेच्या मानीव अभिहस्तांतरण आदेशाप्रमाणे अंमलबजावणी करुन जमीन संस्थेच्या नावे करणेकरिता रुपये 50,000/- रकमेच्या लाचेची मागणी करीत असलेबाबत तक्रार दिनांक 10/01/25 रोजी प्राप्त झाली होती. दि. 16/01/2025 रोजी पंचांसमक्ष करण्यात आलेल्या पडताळणी दरम्यान आरोपी लोकसेविका श्रीमती उर्मिला यादव यांनी तक्रारदार यांच्याकडे रुपये 40,000/- लाचेची रक्कम मागणी करून स्वीकारण्याचे मान्य केल्याचे निष्पन्न झाले होते.