सावंतवाडी : मुंबई विद्यापीठाच्या कोकण विभागीय उडान महोत्सवाचे आयोजन करण्याची जबाबदारी सावंतवाडी येथील देशभक्त शंकरराव गवाणकर कॉलेजला देण्यात आली आहे. मुंबई विद्यापीठाच्या यादीत हे कॉलेज एक दर्जेदार कॉलेज म्हणून गणले जाते. त्यामुळे विद्यापीठाच्या उडान महोत्सवाची जबाबदारी दुसऱ्यांदा देण्यात आली आहे अशी माहिती महाविद्यालयाचे प्राचार्य यशोधन गवस यांनी युवा महोत्सवात दिली.

लोकमान्य ट्रस्टचे संचालक सचिन मांजरेकर यांनी येथील शंकरराव गवाणकर कॉलेजमध्ये युवा महोत्सवाचे उद्घाटन केले. यावेळी कोकण मराठी साहित्य परिषदेचे तालुकाध्यक्ष अ‍ॅड. संतोष सावंत, लोकमान्य ट्रस्टचे वरिष्ठ कार्यकारी प्रवीण प्रभुकेलुस्कर, प्राचार्य यशोधन गवस आदी उपस्थित होते.

अ‍ॅड.  संतोष सावंत म्हणाले, विद्यार्थ्यांनी युवा महोत्सवाच्या माध्यमातून आपली प्रतिभा दाखवावी. मुंबई विद्यापीठाच्या उडान महोत्सवात हे त्याचे तेज दाखवले पाहिजे. आपण ज्या महाविद्यालयात वाढलो ते नेहमीच लक्षात ठेवले पाहिजे. गेल्या पंधरा वर्षांपासून हे महाविद्यालय विविध उपक्रम राबवून विद्यार्थी घडवत आहे. या महाविद्यालयाचे संस्थापक अध्यक्ष किरण ठाकूर यांनी कोकणात आणि विशेषतः सिंधुदुर्ग जिल्ह्यात एक शैक्षणिक केंद्र निर्माण केले आहे. त्यामुळे आम्हाला आमच्या परिसरात दर्जेदार शिक्षण मिळत आहे.

यावेळी प्रवीण प्रभू केळुसकर यांनी लोकमान्य ट्रस्टच्या माध्यमातून उच्च पदवी शिक्षण देणारे दालन उभारले आहे. या माध्यमातून विद्यार्थी घडले आहेत असे स्पष्ट केले. 

प्राचार्य गवस म्हणाले, विविध सांस्कृतिक कार्यक्रम, स्वयंपाक आणि क्रीडा स्पर्धा आयोजित केल्या जात असल्याने  विद्यार्थ्यांच्या प्रतिभेला चालना मिळत आहे. मुंबई विद्यापीठाचा उडान महोत्सव फेब्रुवारी महिन्यात आहे.  आमच्या महाविद्यालयाने याचे आयोजन केले आहे. त्यामुळे विद्यार्थ्यांनी त्यानुसार आपली कला सादर करावी. मुंबई विद्यापीठाचा उडान महोत्सव ५ फेब्रुवारी रोजी होणार आहे. सावंतवाडी दोडामार्ग, वेगुर्ले, कुडाळ मालवण तालुक्यातील सर्व महाविद्यालये या महोत्सवात सहभागी होतील. ही जबाबदारी आपल्याला दुसऱ्यांदा मिळत असल्याचे स्पष्ट केले. कार्यक्रमाचे सूत्रसंचालन आदिती कलंगुटकर व प्रणय गावडे यांनी केले. आभार माया गवस यांनी मानले. कार्यक्रम यशस्वीतेसाठी प्रा.आनंद नाईक, साईप्रसाद पंडित, अस्मिता गवस, शैलेश गावडे, मेधा मयेकर यांनी परिश्रम घेतले, विद्यार्थ्यांनी दिवसभर विविध सांस्कृतिक कार्यक्रम सादर केले.