सावंतवाडी : महाराष्ट्र शासन राष्ट्रीय ग्रामीण आरोग्य अभियान अंतर्गत 'आयुष्यमान आरोग्य मंदिर'चे उद्घाटन शालेय शिक्षण मंत्री दीपक केसरकर यांच्या हस्ते देवसू येथे करण्यात आले. आंबोली प्राथमिक आरोग्य केंद्र अंतर्गत देवसू उपकेंद्राची इमारत या ठिकाणी शासकीय नीधीतून उभारण्यात आली आहे.
देवसू, पारपोली, ओवळीये या तीन गावातील सुमारे अडीच हजार लोकवस्तीला या उपकेंद्राचा लाभ होणार आहे. या इमारतीचे उद्घाटन शालेय शिक्षण मंत्री दीपक केसरकर यांच्या हस्ते देवसू येथे करण्यात आले. यावेळी मंत्री केसरकर म्हणाले, ग्रामीण भागातील आरोग्य सुविधा आणखीन मजबूत करण्याच्या दृष्टिकोनातून एक रुग्णवाहिका या पंचक्रोशीसाठी देणार आहे. तसेच गावासाठी लागणारा आवश्यक निधी सुद्धा उपलब्ध करून देईन असे आश्वासन त्यांनी ग्रामस्थांना दिले. या उपकेंद्रासाठी ज्यांनी विनामूल्य जमीन उपलब्ध करून दिली असे बाबू पायबा सावंत, प्रकाश अनंत सावंत व या आरोग्य केंद्रासाठी शासकीय कार्यालयात वेळोवेळी पाठपुरावा केला असे मुंबई स्थित ग्रामस्थ शामसुंदर आत्माराम सावंत यांच्या सत्कार करण्यात आला.
यावेळी शिवसेनेचे जिल्हाप्रमुख अशोक दळवी, तालुकाप्रमुख नारायण राणे, जिल्हा आरोग्य अधिकारी डॉ. सई धुरी, तालुका आरोग्य अधिकारी डॉ. वर्षा शिरोडकर, देवसू उपकेंद्राचे समुदाय आरोग्य अधिकारी डॉ. जीवन चव्हाण, आरोग्य सेवक साई मोकाशी, पारपोली ओवळीये व देवसू गावातील आशा स्वयंसेविका, अंगणवाडी सेविका, पारपोली सरपंच लक्ष्मण नाईक, उपसरपंच संदेश गुरव, सातुळी बावळाट सरपंच सौ सोनाली देविदास परब, देवसू ग्रामपंचायत सदस्य सौ उर्मिला लक्ष्मण सावंत, दिनेश गावडे, डॉ. लवू सावंत, हनुमंत सावंत, तारकेश सावंत, सुमेध सावंत, विठ्ठल सावंत, दिनेश सावंत, सुरेंद्र देसाई तुकाराम सावंत, अनंत सावंत, प्रकाश सावंत, धर्मेंद्र सावंत, समीर शिंदे, गोविंद सावंत, जयवंत सावंत, प्रवीण सावंत, आत्माराम सावंत, दिगंबर सावंत, राजेश सावंत, ज्येष्ठ नागरिक सोमा तुकाराम सावंत, माजी पोलीस पाटील जनार्दन जाधव, बापूराव देऊसकर राजेश जाधव तसेच पारपोली ओवळीये व देवसू गावचे ग्रामस्थ मोठ्या संख्येने उपस्थित होते.
