
सावंतवाडी : श्री देवी पावणाई दुग्ध उत्पादक सहकारी संस्था माडखोलची सर्वसाधारण सभा संस्थेच्या नूतन इमारतीत आयोजित करण्यात आली. गणेश चतुर्थी निमित्त संस्थेच्या सर्व सभासदांना संस्थेच्या नवीन इमारती मध्ये भेट वस्तू वाटप करण्यात आले. सर्व शेतकऱ्यांनी डेअरीच्या कामकाजाबाबत समाधान व्यक्त केले.
यावेळी संस्थेचे चेअरमन ॲड सुरेश आडेलकर, व्हाईस चेअरमन संदीप येडेगे, संचालक पांडुरंग राऊळ, गजानन धुरी रामचंद्र सावंत ,अशोक सावंत प्रकाश राऊळ आत्माराम लात्ये, रुक्मिणी सावंत, आत्माराम साईल उपस्थित होते. यावेळी शेतकऱ्यांना मार्गदर्शन करताना ऍड सुरेश आडेलकर यांनी संस्थेच्या उत्तरोत्तर होणाऱ्या प्रगतीचा आढावा घेतला. तसेच संस्थेच्या प्रामाणिक आणि मेहनती शेतकऱ्यांच्यामुळेच ही प्रगती होत असल्याचे व्यक्त केले.
दिवसाकाठी ५ लिटर दुधापासून ५०० लीटरचे उद्दिष्ट गाठताना अनेक अडचणीना तोंड द्यावे लागले. गोकुळ आणि शासनाच्या योजना प्रभावी पणे राबविणे. पशुखाद्य डेरीमध्ये उपलब्ध करून देणे, दर १० दिवसांनी शेतकऱ्याचा खात्यावर पगार जमा करणे, दर १० दिवसाचे कॉम्प्युटर्सचे बिल देणे, बिल सिंधुदुर्ग बँकांमध्ये सर्व शेतकऱ्याची खाती उघडून अकाऊंटवर पेमेंट जमा करून कॅशलेस पद्धत राबविल्यामुळे दूध डेअरी व शेतकरी यांचे जिव्हाळ्याचे नाते निर्माण झाले आहे असे मत चेअरमन यांनी व्यक्ती केली.
यावेळी मार्गदर्शन करताना घाट माथ्यावर दुग्ध व्यवसायला आधुनिकतेची जोड दिल्यामुळे तेथील दुग्ध व्यवसाय प्रभावी पण वाढला आहे. मात्र, आपण फक्त पारंपरिक रूढी वर अवलंबून राहिल्यामुळे दुग्ध व्यवसाय वाढीस अडचणी निर्मांणहोत आहेत. दुग्ध व्यवसायाला चालना देणयासाठी लवकरच गोकुळ दुग्ध संघाचे मार्गदर्शन शिबिर लावण्याचे या सभेत ठरविण्यात आले.
यावेळी आपले मनोगत व्यक्त करताना दुग्ध उत्पादक शेतकरी नामदेव गवळी यांनी ह्या दुध डेअरीने पूर्ण पारदर्शी व्यवहार ठेवल्यामुळे शेतकऱ्यांच्या मनात कुठलीही शंका राहत नाही. तसेच खात्यावर दर १० दिवसांनी थेट पेमेंट खात्यावर जमा होत असल्याने पेमेंट कधी मिळणार याची वाट पाहत लागावी नाही. त्यामुळे आपण सगळ्याचे मिळून डेअरीचे दूध उत्पादन वाढवण्यासाठी प्रयत्न करूया असे मनोगत व्यक्त केले.