सिंधुदुर्गनगरी : क्रीडा व युवक सेवा संचालनालय, पुणे, महाराष्ट्र राज्य आणि युवक व्यवहार व क्रीडा मंत्रालय, भारत सरकार यांच्या निर्देशानुसार जिल्हा क्रीडा अधिकारी कार्यालय व नेहरू युवा केंद्र, सिंधुदुर्ग यांच्या संयुक्त विद्यमाने 21 नोव्हेंबर 2024  रोजी  ओरोस, सिंधुदुर्ग येथे  जिल्हास्तरीय युवा महोत्सवाचे आयोजन करण्यात आले आहे. जिल्हास्तरीय युवा महोत्सवातील विजेत्यांना विभाग/राज्यस्तरीय आणि राष्ट्रीय युवा महोत्सवात सहभागी होण्यासाठी निवडले जाणार असल्याने जिल्ह्यातील अधिकाअधिक युवकांनी या महोत्सवमध्ये सहभागी व्हावे असे आवाहन करण्यात आलेय..

राष्ट्रीय युवा महोत्सव सन २०२४-२५ या वर्षी संकल्पना आधारीत बाबींसाठी विज्ञान व तंत्रज्ञान यामधील नवसंकल्पना (innovation in science and technology) या संकल्पनेवरआधारित जिल्हा युवा महोत्सवात विविध उपक्रम आयोजित करण्यात येणार आहेत.  २०२४-२५ मध्‍ये २१नोव्हेंबर २०२४ रोजी स.९.०० वाजता जिल्हा नियोजन समिती हॉल (नवीन) सिंधुदुर्गनगरी ता.कुडाळ जि. सिंधुदुर्ग येथे जिल्‍हास्‍तर युवा महोत्‍सवाचे आयेाजन करण्‍यात येणार आहे.

तसेच जिल्‍हास्‍तर युवा महोत्‍सवामध्‍ये सहभागी होण्‍याकरीता जिल्‍ह्यातील १५ ते २९ वयोगटातील युवक युवतींना सहभागी होता येईल. जिल्हास्तर युवा महोत्सवाची  नियमावली सोबत दिलेल्या गुगल लिंकवर देण्यात आलेली असून युवा महोत्सवामध्ये सहभागी होण्याकरिता १९ नोव्हेंबर २४ पूर्वी नाव नोंदणी गुगल लिंक फॉर्मद्वारे करण्यात यावी असे कळविण्यात आले आहे. 

https://docs.google.com/forms/d/e/1FAIpQLScTSG5ytO4cNwI_-kYnClrgDn5ZUXWVQhanTv9DZMh_Wkx97g/viewform?usp=sf_link