सावंतवाडी : कधी या पक्षात तर कधी त्या पक्षात असे सातत्याने पक्ष बदलून स्वतःचा स्वार्थ साधणारे, सावंतवाडी विधानसभा मतदारसंघातील जनतेला सतत गोड बोलून झुलवत ठेवणारे मंत्री दीपक केसरकर यांना मतदार नक्कीच जागा दाखवतील आणि महाविकास आघाडीला साथ देतील असे विधान उद्धव बाळासाहेब ठाकरे सेनेचे जिल्हाप्रमुख बाबुराव धुरी यांनी केले. शिवसेना सावंतवाडी विधानसभा संपर्क यात्रेत सोनुर्ली येथे श्री. धुरी बोलत होते.
सोनुर्ली येथे शिवसेना सावंतवाडी विधानसभा संपर्क यात्रा पोहोचली. यावेळी उपस्थित मान्यवरांच्या हस्ते वृक्ष वाटप कार्यक्रम संपन्न झाला. यावेळी जिल्हाप्रमुख जिल्हा समन्वयक बाळा गावडे यांनीही आपल्या मनोगतातून मंत्री केसरकरांवर जोरदार प्रहार केला व उपस्थितांना महाविकास आघाडीलाच साथ द्यावी, असे आवाहन केले.यावेळी व्यासपीठावर उबाठा शिवसेनेचे सावंतवाडी विधानसभा प्रमुख रुपेश राऊळ, उपजिल्हाप्रमुख चंद्रकांत कासार, जिल्हा समन्वयक बाळा गावडे, तालुका संघटक व माजी जिल्हा परिषद सदस्य मायकेल डिसोजा, काँग्रेसचे पदाधिकारी रवींद्र म्हापसेकर, भारती कासार, श्रीमती कासार, उपविभाग प्रमुख विनोद ठाकूर, बाळू परब, संजय गवस, कौस्तुभ गावडे, शब्बीर मणियार, अशोक दत्ताराम परब , शाखाप्रमुख नरेश मोरे, युवा सेना विभाग प्रमुख संदेश मडुरकर, अनिल गावकर, नामदेव गावकर, अनिता गावकर, आर्वी गोसावी, बाबी धडाम, सोमा धडाम, सरस्वती धुरी, रुक्मिणी राऊळ, निलेश मोर्ये, संकेत गावकर, बापू मोर्ये, मारुती म्हापसेकर, सुरेश गावकर,तिळबा जाधव, उत्तम नाईक, धोंडीबा गावकर, महादेव गावकर, मनोहर गावकर, माई मौर्ये, रामचंद्र गावकर, वैभवी गावकर आदी उपस्थित होते.
