कणकवली : कुडाळ ते लांजा असा प्रवास करत असताना पुढील डाव्या बाजूचा टायर फुटून कारवरील नियंत्रण सुटले व परिणामी कार पुलाच्या कठड्यावर जाऊन आदळली.
महामार्गावरील कासार्डे ब्रिजवर शनिवारी सकाळी १०.४५ वा. सुमारास झालेल्या या अपघातात कारचालक दत्तात्रय विलास ठाकूर (३८, कुडाळ - माठेमाड) यांना काहीशी दुखापत झाली. तसेच कारचेही बरेच नुकसान झाले. याबाबत ठाकूर यांच्या खबरीनुसार अपघाताची कणकवली पोलीस ठाण्यात नोंद करण्यात आली आहे
