रत्नागिरी : शिवसेना नेते भास्कर जाधव यांच्या घरावर मंगळवारी मध्यरात्री काही अज्ञातांनी दगडफेक केली. यावेळी घरासमोर पेट्रोल बाटलीही टाकण्यात आली. भास्कर जाधव यांच्या पाग येथील घरासमोरील अंगणात क्रिकेटमधील स्टंप, पेट्रोलच्या बॉटल्स व दगडी आढळल्याने खळबळ उडाली आहे. आमदार जाधव यांनी काल कुडाळ येथे भाजपाचे नेते नारायण राणे यांच्यावर कडवी टीका केली होती. याचेच हे पडसाद नाहीत ना असा सवालही उपस्थित होत आहे.