देवगड : तौक्ते चक्रीवादळ झाल्यापासून आंबाबागेत फळमाशीचा प्रादुर्भाव मोठ्या प्रमाणात झाल्याचे आढळून आले आहे. आंबा फळमाशीचा वाढता प्रादुर्भाव लक्षात घेता आंब्याची प्रत घसरली असून विक्री व्यवस्थेवर विपरीत परिणाम होऊन आंबा बागायतदारांचे आर्थिक नुकसान होत आहे. हे आर्थिक नुकसान लक्षात घेता “सिंधुरत्न समृद्धी योजना” अंतर्गत आंबा पिकावरील फळमाशीचे सामूहिकपणे नियंत्रण करण्यासाठी 75 टक्के अनुदानावर प्रति हेक्टरी 4 फेरोमोन सापळे आणि 4 लुर्स अनुदानावर देण्यात येणार आहे.