सावंतवाडी : आंबोली येथील सिंधुदुर्ग सैनिक स्कूल अॅण्ड ज्युनियर कॉलेज, आंबोलीच्या विद्यार्थ्यांनी इयत्ता १२ (विज्ञान) च्या परीक्षेत घवघवीत यश संपादन केले आहे. शाळेने सलग १४ व्या वर्षी १०० टक्के निकालाची परंपरा कायम राखली असून २२ विद्यार्थ्यांना विशेष श्रेणीत तर उर्वरीत सर्व १६ विद्यार्थी प्रथम श्रेणीत उत्तीण झाले आहेत.

यामध्ये शाळेमधून कॅडेट अॅलेक्स अविनाश सावंत याने ८६.०० टक्के गुण मिळवून प्रथम, कॅडेट अजय गणेश गांवकर याने ८१.१७ टक्के गुण मिळवून व्दितीय तर कॅडेट सुयश अनिल कदम याने ८०.३३ टक्के गुण मिळवून तृतीय कमांक पटकावला आहे. आतापर्यंत अनेक वि‌द्याथ्यांनी NDA लेखी परिक्षेत तसेच JEE CET, NEET परीक्षेत यश प्राप्त केले आहे. शाळेचे अनेक वि‌द्यार्थी आर्मी, नेवी, मर्चट नेवी, बहुराष्ट्रीय कंपनी आदी क्षेत्रात अधिकारी म्हणून सेवा बजावत आहेत. शाळेत निवासी सैन्य प्रशिक्षण कवायत युद्ध कौशल्य, आत्मसंरक्षण, विविध साहसी खेळ व स्पर्धात्मक परीक्षांचे मागर्दशन केले जाते. 100 टक्के निकालाची परंपरा कायम राखल्या बाबत संस्थेचे अध्यक्ष व सचिव सुनिल राऊळ तसेच संचालक जॉय डॉन्टस शंकर गावडे, . शिवाजी परब व सर्व संचालक, कार्यालयीन सचिव  दिपक राऊळ सैनिक स्कूलचे प्राचार्य नितीन गावडे तसेच सर्व शिक्षक व शिक्षकेतर कर्मचारी यांनी विद्यार्थ्यांच अभिनंदन केले आहे