सिंधुदुर्ग जिल्हा प्रशासनाच्या माध्यमातून कार्यरत असलेल्या शासकीय समितीने अधिक जोमाने व डोळयात तेल घालून या गुन्हेगारीला आळा घालण्याची गरज आहे. यासाठी सिंधुदुर्ग जिल्हयातील काही सामाजिक संस्था व निवडक, जबावदार सामाजिक कार्यकर्ते लागेल ती मदत व सहकार्य करायला तयार आहेत. तरी जिल्हा प्रशासनामार्फत जबाबदार सामाजिक कार्यकर्ते व सुज्ञ नागरीक याची एकत्रित संयुक्त बैठक आयोजित करून अंमली पदार्थाच्या गुन्हेगारीवर नियंत्रण आणण्यासाठी व सिंधुदुर्ग जिल्हा ड्रग्स फ्री करण्यासाठी विशेष कृती आराखडा तात्काळ तयार करून त्याची अंमलबजावणी प्राधान्य क्रमानं होणे आवश्यक आहे. यासाठी NCB विभाग, गोवा यांचे सहकार्य मिळण्यासाठी सक्त सूचना देण्यात याव्यात. या विनंती अर्जाचा गांभिर्याने विचार करून व तातडीने दखल घेवून राज्य व जिल्हा प्रशासनाला तातडीने योग्य ते आदेश निर्गमित करावे अशी मागणी अंमली पदार्थ विरोधी व जनजागृती पदार्थ जिल्हा समन्वयक  ऍड. नंदन वेंगुर्लेकर यांनी केलीय.