सिंधुदुर्गनगरी : पवित्र पोर्टल मार्फत राबविण्यात येत असलेल्या शिक्षक भरती प्रक्रिये अंतर्गत शिक्षणाधिकारी (प्राथमिक), जिल्हा परिषद सिंधुदुर्ग यांच्यामार्फत निवड झालेल्या (मुलाखती शिवाय) उमेदवारांच्या कागदपत्रांची पडताळणी करण्यात येणार आहे. शिक्षक सेवक आणि शिक्षक पदासाठी गुणवत्तेनुसार निवड/शिफारस यादी जाहीर करण्यात आली आहे. 

सर्व संबंधित उमेदवारांनी मूळ कागदपत्रे घेऊन पडताळणीसाठी उपस्थित राहण्याचे आवाहन करण्यात आले आहे. ही कागदपत्र पडताळणी ३ सप्टेंबर २०२६ रोजी सकाळी ९.३० वाजल्यापासून शिक्षणाधिकारी (प्राथमिक), जिल्हा परिषद सिंधुदुर्ग कार्यालयात होणार आहे.

निवड झालेल्या उमेदवारांनी पवित्र पोर्टल प्रणालीत अपलोड केलेली सर्व मूळ कागदपत्रे तसेच त्याच्या एक संच स्वसाक्षांकित झेरॉक्स प्रती, ४ पासपोर्ट साइज फोटो आणावेत. तसेच, सर्व कागदपत्रांच्या झेरॉक्स प्रतींवर विहित ठिकाणी स्वाक्षरी करून कागदपत्रांसह उपस्थित राहावे, त्याच दिवशी समुपदेशनाबाबत तारीख कळविण्यात येणार आहे, असे शिक्षणाधिकारी (प्राथमिक), जिल्हा परिषद सिंधुदुर्ग यांनी कळविले आहे.