मुंबईः  भाजप नेते व केंद्रीय मंत्री नारायण राणे यांच्या जुहू येथील अधीश बंगल्याचे पाडकाम करण्यास सुरुवात झाली आहे. कोर्टाच्या आदेशानंतर राणेंकडूनच पाडकाम करण्यात आल्याची माहिती समोर येत आहे. 

जुहूमध्ये राणेंचा ८ मजली अधीश बंगला आहे. या बंगल्यात अनाधिकृत बांधकाम झाल्याचं समोर आलं होतं. त्यानुसार महापालिका अधिकाऱ्यांनी राणेंना नोटिस पाठवण्यात आली होती. महापालिकेच्या ९ अधिकाऱ्यांच्या पथकाने २१ फेब्रुवारीला नारायण राणेंच्या जुहूतील अधीश बंगल्याची पाहणी केली होती. दोन तास पाहणी केल्यानंतर अधिकाऱ्यांनी अधीश बंगल्यात बांधकामावेळी एफएसआयचं उल्लंघन झाल्याची माहिती पालिका अधिकाऱ्यांनी दिली.