कणकवली: बिबट्याची नखे आणि सुळ्यांच्या तस्करी प्रकरणात वनविभागाने अटक केलेला संशयित आरोपी आशुतोष अनिल मेस्त्री (वय ३२, रा. करंजे) याची पोलीस कोठडीची मुदत संपल्यानंतर शनिवारी त्याला न्यायालयात हजर करण्यात आले. न्यायालयाने त्याला न्यायालयीन कोठडी सुनावली आहे.
या प्रकरणी याआधीच वनविभागाने विजय महादेव हळदिवे (रा. फोंडाघाट), कृष्णात भिकाजी रेपे (रा. अकनुर, जि. कोल्हापूर), तौफीक अल्लाउद्दीन सनदी (रा. गळतगा, जि. बेळगाव) आणि परशुराम प्रकाश बोधले (रा. नवलीहळ, जि. बेळगाव) अशा चार जणांना अटक केली होती. त्यांचीही सध्या न्यायालयीन कोठडीत रवानगी करण्यात आली आहे.
ही कारवाई वनविभागाच्या पथकाने मंगळवारी (दिनांक) सायंकाळी चारच्या सुमारास डामरे येथे केली होती. या तस्करी प्रकरणात एकूण पाच आरोपींना अटक करण्यात आली असून, पुढील तपास सुरू आहे.
