कणकवली : कणकवली नगरपंचायतीसाठी उपनगराध्यक्ष निवड आज मंगळवारी होत असून कणकवली शहर विकास आघाडीतर्फे नगरसेवक सुशांत नाईक यांनी उपनगराध्यक्ष पदासाठी नुकताच उमेदवारी अर्ज दाखल केला आहे. अर्ज सादर करतेवेळी शहर विकास आघाडीचे गटनेते रुपेश नार्वेकर यांच्यासह शहर विकास आघाडीचे सर्व ८ नगरसेवक उपस्थित होते.
दरम्यान उपनगराध्यक्ष पदासाठी यापूर्वीच भाजपच्या राकेश राणे यांनी उमेदवारी अर्ज दाखल केला आहे. अर्थातच उपनगराध्यक्ष पदासाठी निवडणूक प्रक्रिया होणार, हे आता निश्चित झाले आहे. दुपारच्या सुमारास निवडणूक प्रक्रिया होणार असून त्यानंतरच कणकवलीचा उपनगराध्यक्ष कोण, हे समजणार आहे.
