दोडामार्ग :  आडाळी येथे रस्ता ओलांडताना चार चाकी वाहनाला धडक बसल्याने नूतन विद्यालय कळणेचा विद्यार्थी मयूर मनोज शेळके 14 हा गंभीर जखमी झाला आहे. त्याला दोडामार्ग ग्रामीण रुग्णालाय येथे प्राथमिक उपचार करून त्याला अधिक उचारासाठी गोवा मीडिकल कॉलेज येथे पाठविण्यात आले.

अधिक माहिती अशी की, बुधवारी आडाळी येथील मयूर हा शाळकरी विद्यार्थी नेहमी प्रमाणे कळणे येथे शाळेत जाण्यासाठी रस्त्यावर एसटी बसची वाट बघत उभा होता. एसटी बस आल्यावर त्याने एसटी बसमध्ये बसण्यासाठी विरुद्ध बाजूला धाव घेतली त्यावेळी एसटी बसच्या पुढे असलेल्या चारचाकी गाडीला तो आदळला व गाडीच्या दर्शनी भागावर त्याचे डोके आदळले. व तो रस्त्यावर फेकला गेला यावेळी त्याच्या डोक्याला गंभीर दुखापत झाली. यावेळी मोरगाव प्राथमिक आरोग्य केंद्राची 102 रुग्णवाहिका बोलवून लागलीच त्याला दोडामार्ग ग्रामीण रुग्णालय येथे ओठविले. यावेळी त्याच्यावर प्राथमिक उपचार करून त्याला अधिक उपचारासाठी गोवा तेथे पाठविण्यात आले. यावेळी दोडामार्ग पोलिसांनी घटना स्थळी अपघाताचा पंचनामा केला.