सिंधुदुर्गनगरी : राज्यस्तरीय संत गाडगेबाबा ग्रामस्वच्छता अभियान सन 2018-19, 2019-20, 2020-21 व 2021-22 यांचा पुरस्कार वितरण सोहळा दिनांक 23/09/2024 रोजी करण्यात आले असुन जिल्ह्यातील ग्रामपंचायत बापर्डे, ता देवगड, ग्रामपंचायत परुळेबाजार, ता. वेंगुर्ला, ग्रामपंचायत निरवडे ता सावंतवाडी यांना या कार्यक्रमाकरीता निमत्रित करण्यात आले आहे. राज्यस्तरीय संत गाडगेबाबा ग्रामस्वच्छता अभियान अंतर्गत या ग्रामपंचायतीचे नामाकंन झाले होते. अशी माहिती जी प चे मुख्य कार्यकारी अधिकारी मकरंद देशमुख यांनी दिली आहे. 

संत गाडगेबाबा ग्रामस्वच्छता अभियान सन 2018-19, 2019-20, 2020-21 व 2021-22 यांचा पुरस्कार वितरण कार्यक्रम दिनाक 23/09/2024 रोजी दुपारी 12.00 वाजता संत एकनाथ रंगमंदिर, नवीन उस्मानपुरा, पन्नालाल नगर, छत्रपती संभाजीनगर येथे आयोजित करण्यात आला आहे.  या कार्यक्रमांत जिल्ह्यातील ग्रामपंचायत बापर्डे, ता देवगड, ग्रामपंचायत परुळेबाजार, ता. वेंगुर्ला, ग्रामपंचायत निरवडे ता सावंतवाडी यांनी उल्लेखनिय काम केल्याबद्दल त्याचा सन्मान करण्यात येणार आहे. सन 2019-20 मध्ये ग्रामपंचायत बापर्डे व ग्रामपंचायत परुळेबाजार याचे नामाकंण राज्यस्तर स्पेर्धेकरीता तर 2020-21/2021-22 या स्पर्धेत ग्रामपंचायत परुळेबाजार व ग्रामपंचायत निरवडे यांना राज्यस्तर स्पर्धेकरीता नामांकन प्राप्त झाले होते व राज्यस्तरीय समितीच्या माध्यमातुन तपासणी पुर्ण करण्यात आली होती. 

सदर कार्यक्रमात प्रजित नायर, तत्कालिन मुख्य कार्यकारी अधिकारी जिल्हा परिषद सिंधुदुर्ग,अनिल पाटील, जिल्हाधिकारी सिंधुदुर्ग,  विनायक ठाकुर उप मुख्य कार्यकारी अधिकारी (पाणी व स्वच्छता) जिल्हा परिषद सिंधुदुर्ग, शिवराज राठोड, ग्रामसेवक बापर्डे,  शरद शिंदे, ग्रामसेवक परुळेबाजार यांना हि या कार्यक्रमात अभियान प्रभावी नियोजन, अमंलबजावणी व अभियानात उल्लेखनिय काम केल्याबद्दल सन्मान करण्यात येणार आहे. याबाबत अति. अभियान संचालक स्वच्छ भारत मिशन (ग्रा) याचे कार्यालया कडिल पत्राने कळविण्यात आले आहे.