सावंतवाडी : आम्ही निवडणुकीसाठी तयारीत आहोत. लढण्यासाठी सक्षम आहोत. शिवसैनिक हा लढवय्या असल्याचे मत जिल्हाप्रमुख संजू परब यांनी व्यक्त केले. माजी आमदार राजन तेली यांच्या स्वागत प्रसंगी ते बोलत होते. यावेळी शिवसेना नेते, आमदार निलेश राणेंची प्रमुख उपस्थिती होती.
शिवसेना जिल्हाप्रमुख संजू परब यांनी पक्षाची निवडणुकीची तयारी पूर्ण असल्याचा विश्वास व्यक्त केला. माजी आमदार राजन तेली यांनी शिवसेनेत प्रवेश केल्यानंतर सावंतवाडीमध्ये त्यांचे जोरदार शक्तीप्रदर्शन करत स्वागत करण्यात आले. या पक्षप्रवेशावेळी शिवसेना नेते, आमदार निलेश राणे यांची प्रमुख उपस्थिती होती. याप्रसंगी बोलताना ते पुढे म्हणाले, माजी मंत्री, आम. दीपक केसरकर, आम. निलेश राणे, उदय सामंत आणि आता राजन तेली यांची आम्हाला साथ आहे. शिवसैनिक हा लढवय्या असून तो लढला पाहिजे, असे मत व्यक्त केले. मुख्यमंत्री एकनाथ शिंदे यांचे मार्गदर्शन आपल्याला असून नेते सांगतील तो निर्णय आम्हाला मान्य असेल," असेही त्यांनी स्पष्ट केले. यावेळी शिवसेना उपनेते अशोक दळवी, महिला जिल्हाप्रमुख ॲड निता सावंत-कविटकर, तालुकाप्रमुख बबन राणे, दिनेश गावडे, शहरप्रमुख खेमराज उर्फ बाबू कुडतरकर आदींसह पदाधिकारी आणि कार्यकर्ते मोठ्या संख्येने उपस्थित होते.
