सावंतवाडी : महात्मा गांधी तंटामुक्त समिती कारिवडेच्या अध्यक्षपदी पुन्हा एकदा प्रशांत शिवराम राणे यांची निवड करण्यात आली. गतवर्षी केलेल्या उल्लेखनीय कामगिरीची दखल घेऊन ही निवड करण्यात आली.
कारिवडे ग्रामपंचायतीच्या ग्रामसभेमध्ये महात्मा गांधी तंटामुक्त समितीची निवड करण्यात आली. यावेळी अध्यक्षपदी प्रशांत शिवराम राणे यांची निवड करण्यात आली. यावेळी कारिवडे सरपंच आरती अशोक माळकर, उपसरपंच तुकाराम बाबाजी आमुनेकर, ग्रामपंचायत सदस्य महेश नारायण गावकर ग्रामपंचायत अधिकारी भरत दिगंबर बुंदे, तलाठी शिरवलकर, कृषी सेवक सरमळकर, भाजपचे आंबोली मंडळ उपाध्यक्ष तसेच सामाजिक कार्यकर्ते अशोक रामकृष्ण माळकर, सामाजिक कार्यकर्ते अमोल कारिवडेकर तसेच अरविंद परब उपस्थित होते. कारिवडे सरपंच आरती माळकर यांनी राणे यांचे अभिनंदन केले.
