सावंतवाडी : सावंतवाडीचे सुपुत्र, भाजप नेते अँड. राहुल नार्वेकर हे पुन्हा एकदा विधानसभेचे अध्यक्ष होणार आहेत. त्यासाठी त्यांनी आज अध्यक्षपदाच्या निवडणुकीसाठी उमेदवारी अर्ज दाखल केला आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार यांच्या उपस्थितीत विधिमंडळ सदस्य ॲड. राहुल नार्वेकर यांनी आज विधानसभा अध्यक्षपदाच्या निवडणुकीसाठी उमेदवारी अर्ज दाखल केला आहे.
याप्रसंगी विधिमंडळ सदस्य तथा भाजपाचे प्रदेशाध्यक्ष चंद्रशेखर बावनकुळे, सदस्य चंद्रकांतदादा पाटील आदी उपस्थित होते. राहुल नार्वेकर हे गेल्या अडीच वर्षाच्या शिंदे सरकारमध्येही विधानसभेचे अध्यक्ष होते. पुन्हा एकदा त्यांनी विधानसभेचे अध्यक्ष पदाची माळ त्यांच्या गळ्यात पडणार आहे. सावंतवाडीचे ते सुपुत्र असून कुलाबा मतदारसंघाचे ते आमदार आहेत. महाविकास आघाडीकडून राहुल नार्वेकरांना आव्हान दिलं जाणार असल्याची शक्यता वर्तवली जात होती. त्यासाठी महाविकास आघाडी देखील विधानसभा अध्यक्षपदाचा अर्ज भरणार असल्याची माहिती होती. त्यामुळे राहुल नार्वेकर यांना विधानसभा अध्यक्षपदाच्या निवडणुकीत आव्हान मिळण्याची शक्यता होती.महाविकास आघाडीचे नेते बैठकीत अध्यक्षपदाबाबतच्या मुद्यावर चर्चा करणार असल्याची माहिती होती. या बैठकीत अध्यक्षपदाचा अर्ज भरायचा की नाही याबाबत निर्णय घेतला जाणार होता. आमदारांच्या शपथविधीनंतर हा निर्णय घेतला जाणार होता. मात्र, आता महाविकास आघाडी उमेदवार देण्याची शक्यता फारच कमी आहे. त्यामुळे राहुल नार्वेकर हेच विधानसभा अध्यक्षक्ष होणार असल्याचं जवळपास निश्चित आहे.महायुतीकडे प्रचंड बहुमत असल्याने अँड. राहुल नार्वेकर यांनाच अधिक मतं मिळणार हे निश्चित आहे. आज संध्याकाळी सहा वाजता निवडणुकीचा निकाल जाहीर करण्यात येणार आहे.
