देवगड : देवगड येथे प्रथमच करीअर महोत्सवाचे आयोजन विद्या विकास मंडळ संचलित कार्यसम्राट आ.स्व.आप्पासाहेब गोगटे यांच्या जन्मशताब्दी सोहळ्यानिमित्त आयोजन शनिवार दिनांक ८ जून २०२४ रोजी ९ वाजता मोरेश्वर गोगटे सभागृह सांस्कृतिक भवन जामसंडे येथे करण्यात आले होते.करीअर महोत्सवाचे औपचारिक उद्घाटन ॲड.अजित गोगटे यांच्या हस्ते दीपप्रज्वलनाने झाले.याप्रसंगी गुरुदेव परुळेकर, दया पाटील, संजय गोगटे , मोंडकर व डाॅ.भाई बांदकर उपस्थित होते,
ॲड. अजित गोगटे यांनी करीअर महोत्सवाची गरज समजावून सांगितली, वसंपुर्ण सिंधुदुर्ग जिल्ह्यातून व पुण्यातून आलेल्या मार्गदर्शक व स्टाॅलधारकांचे आभार मानले.
माझ्या मुलाला कमी टक्के मिळाले आता पुढे काय ? हा प्रश्न आज करिअर महोत्सवात सुटला. दहावी बारावीचे नुकतेच रिझल्ट लागलेत त्यात नेहमीप्रमाणेच कोकण विभाग अव्वल स्थानावर आहे. आणि नापासांची संख्या अगदीच नगण्य व पास झालेल्या विद्यार्थीसंख्येत कमी टक्क्यावाल्यांची संख्या अधिक आहे. या विद्यार्थ्यांना करीअरचे मार्ग आज मिळाले.
त्यांच्यासाठीही करीअरची विविध दालने असतात याची माहीती करुन देण्यासाठीच हा करीअर महोत्सव डाॅ.भाई बांदकर यांच्या संकल्पनेतून देवगडमध्ये पहिल्यांदाच असा भव्य मार्गदर्शन ते ॲडमिशन असा करीअर महोत्सव साकार झाला.
विद्या विकास मंडळ संचलित कार्यसम्राट आमदार स्व.आप्पासाहेब गोगटे जन्मशताब्दी सोहळ्यातील एक पुष्प म्हणून ॲड. अजित गोगटे आणि परिवारातर्फे हा करीअर महोत्सव झाला, यामध्ये देवगड, कणकवली, मालवण तालुक्यातील विद्यार्थी पालकांनी सहभाग घेतला होता. महोत्सवात काॅलेजीय शिक्षण यावर मार्गदर्शन व ॲडमिशन झाले, हाॅटेल मॅनेजमेंट, टुरिझम, फॅशन डिझायनिंग, इंटिरीअर डिझायनिंग,आयटीआय,काॅम्प्युटर यांचाही सहभाग होता. त्याचबरोबर किसान मोर्चातर्फे "शेती एक व्यवसाय" या करीअरवरही भर दिला आहे. फोटोग्राफी, पत्रकारिता अशा महत्वाच्या विषयावरील करीअर सांगितली गेली सर्व कोर्स व करिअरसाठी एज्युकेशन लोनसाठी व प्रायव्हेट स्कॉलरशिप ही मदत दिली जाणार आहे.
