वेंगुर्ला: वेंगुर्ला तालुक्यातील एकूण ३० ग्रामपंचायतीसाठी सरपंच पदाचे आरक्षण सोडत पध्दतीने उद्या १५ जुलै २०२५ रोजी सकाळी ११ वाजता तहसिलदार कार्यालय वेंगुर्ला येथे करण्यात येणार आहे.
मुंबई ग्रामंपचातय (सरपंच व उपसरपंच) निवडणूक नियम १९६४ मध्ये सरपंच पदांच्या आरक्षणाबाबत सुधारीत तरतुदी निश्चित केल्या आहेत. त्यानुसार अनुक्रमे अनुसूचित जाती, अनुसूचित जमाती, नागरिकांचा मागासवर्गाचा प्रवर्ग आणि स्त्रिया (अनुसूचित जाती, अनुसूचित जमाती, नागरिकांच्या मागास वर्गाचा प्रवर्ग यातील स्त्रियांसह) यांच्या साठी आरक्षित करावयाच्या आहेत.
जिल्हाधिकारी सिंधुदुर्ग यांचेकडील सरपंच आरक्षण /सोडत /०७/२०२५ दि. ०७/०७/२०२५ च्या पत्रान्वये वेंगुर्ला तालुक्यातील एकूण ३० ग्रामपंचायतीसाठी सरपंच पदाचे आरक्षण सोडत पध्दतीने उद्या सकाळी ११ वाजता तहसिलदार कार्यालय वेंगुर्ला येथे करण्यात येणार आहे. या आरक्षणावेळी ग्रामपंचायत भागातील आजी, माजी लोकप्रतिनिधी तसेच नागरिक यांनी उपस्थित रहावे असे आवाहन वेंगुर्ले तहसीलदार ओंकार ओतारी यांनी केले आहे.
