सावंतवाडी : शिवसेना नेते रामदास कदम यांनी मंत्री रविंद्र चव्हाण यांच्याविरोधात केलेल्या विधानाचा भाजपकडून पुतळा जाळत निषेध करण्यात आला. भाजप कार्यालयासमोर रामदास कदमांचा पुतळा जाळ्यात आला. रविंद्र चव्हाण यांच मन मोठं आहे. त्यामुळे रामदास कदमांनी पाय धरून माफी मागावी, अन्यथा दीपक केसरकरांसह शिंदेंच्या आमदारांना घरी बसवू असा इशारा माजी पंचायत समिती सदस्य संदीप गावडे यांनी दिला.
सावंतवाडी येथिल भाजप कार्यालयासमोर रामदास कदम यांचा पुतळा जाळ्यात आला. यावेळी त्यांच्या विरोधात जोरदार घोषणाबाजी करण्यात आली. महिलांनी जोडे मारत निषेध नोंदविला. यावेळी शहराध्यक्ष मोहिनी मडगावकर म्हणाल्या, जर यापुढे रविंद्र चव्हाण यांच्याबद्द बोलला तर खपवून घेणार नाही. चप्पलाचा हार घरी पाठवू, मोर्चा काढू असा इशारा दिला.
दरम्यान, माजी पंचायत समिती सदस्य संदीप गावडे म्हणाले, रामदास कदम याची औकात नाही. रविंद्र चव्हाण यांची त्यांनी पाय धरून माफी मागावी. त्यांच मन मोठं आहे माफ करतील. मात्र, जर भाजपचा कार्यकर्ता पेटला तर दीपक केसरकरांसह शिंदेंच्या आमदारांना घरी बसल्याशिवाय स्वस्थ बसणार नाही असा इशारा दिला. तसेच जोपर्यंत रामदास कदम माफी मागत नाही तोवर महायुतीत शिवसेनेसोबत बसणार नाही. आगामी निवडणुकांत सहकार्य करणार नाही, बहिष्कार घालू असा माजी नगराध्यक्ष संजू परब यांनी दिला. यावेळी जोरदार घोषणाबाजी करण्यात आली. जोडे हाणून पुतळा जाळण्यात आला. यावेळी भाजपचे उपाध्यक्ष संजू परब, माजी पंचायत समिती सदस्य संदीप गावडे, महिला शहराध्यक्ष मोहिनी मडगावकर, माजी आरोग्य सभापती सुधीर आडीवरेकर, मकरंद तोरसकर, परिक्षित मांजरेकर आदी भाजप पदाधिकारी, कार्यकर्ते उपस्थित होते.
