कणकवली : कणकवली जवळील महामार्गावर असणाऱ्या जाणवली कृष्णा नगरी नजीक बोलेरो गाडी पलटी होऊन अपघात झाला. यामध्ये चालक- अक्षय ज्ञानदेव केळकेंद्र वय - 28 वर्षे, रा. अहमदनगर हा गंभीर जखमी आहे. ती गाडी गोव्याच्या दिशेने जात होती. सकाळी 5 च्या सुमारास हा अपघात झाला. नेमका अपघात कसा झाला हे माहित नसले तरी पोलिसांनी घटनास्थळी धाव घेऊन जखमींना रुग्णालयात दाखल केले. महामार्गावरील वाहतूक सुरळीत केली.
