देवगड : देवगड तालुक्यात नवरात्र उत्सवा निमित्त ३ ऑक्टोबर ते१३ ऑक्टोबर या कालावधीत इंद्रधनू(रजि)यांच्या वतीने आयोजित आमदार नितेश राणे पुरस्कृत भव्य नवरात्र उत्सवाचे आयोजन देवगड येथील तारी कंपाऊंड, हॉटेल आनंद रामाणे शेजारी देवगड मेनरोड येथे करण्यात आले आहे.या निमित्त विविध सांस्कृतिक कार्यक्रमांचे आयोजन करण्यात आले आहे. यासाठी आमदार राणे यांचे सहकार्य मिळाले असल्याची माहिती अध्यक्ष प्रसाद कुळकर्णी, सचिव प्रशांत वाडेकर यांनी पत्रकार परिषदेत दिली.
यावेळी मिलिंद मोर्ये, दिनेश पटेल, किसन सुर्यवंशी,आनंद रामाणे, दयानंद पाटील आदी पदाधिकारी उपस्थित होते.
मंगळवारी सायंकाळी देवगड तालुका व्यापारी संघाच्या कार्यालयात पत्रकार परिषदेचे आयोजन करण्यात आले होते. आमदार राणे पुरस्कृत इंद्रधनू देवगड आयोजित नवरात्र उत्सवासाठी विविध कार्यक्रम आयोजित करण्यात आले आहेत. दि ३ रोजी रात्री ९.३० वाजता उद्घघाटन व दांडीया नृत्य, १२ रोजी भव्य फॅन्सी ड्रेस स्पर्धा रात्री ८ वाजता खुल्या व लहान गटात होणार आहे. खुला गट १८ वर्षावरील प्रथम क्रमांक ८ हजार व सन्मान चिन्ह, द्वितीय क्रमांक ५ हजार रुपये व सन्मान चिन्ह, तृतीय क्रमांक ३ हजार रुपये व सन्मान चिन्ह, लहान गट ५ ते १८ वर्षे पर्यंत गटासाठी प्रथम क्रमांक ५ हजार रुपये व सन्मान चिन्ह, द्वितीय क्रमांक ३ हजार रुपये व सन्मान चिन्ह, तृतीय क्रमांक २ हजार रू. व सन्मान चिन्ह, खुल्या ग्रुप दांडीया स्पर्धा १३ रोजी सायंकाळी ७ वा. पासून सुरु होणार आहेत. यासाठी प्रथम क्रमांक २५ हजार रुपये व सन्मान चिन्ह, द्वितीय क्रमांक १५ हजार रुपये व सन्मानचिन्ह, तृतीय क्रमांक १० हजार रुपये व सन्मान चिन्ह देण्यात येणार आहेत. तसेच दांडीया किंग व क्वीन, बेस्ट स्माईल, बेस्ट कॉशुम आदी सर्व पारितोषिके आमदार राणेंनी पुरस्कृत केले आहेत. तसेच लक्षवेधी चेहरा, बेस्ट कॉसुम, बेस्ट स्माईल, नवोदित चेहरा आदी पारितोषिके दररोज देण्यात येणार आहेत.
या नवरात्र उत्सवा निमित्त मोठ्या संख्येने कलाप्रेमींनी सहभाग घ्यावा असे आवाहन कुळकर्णी व सचिव प्रशांत वाडेकर यांनी पत्रकार परिषदेत केले आहे.यासाठी अन्य प्रायोजक लाभले आहेत.दररोज दहा ते बारा पारितोषिके विजेत्यांना दिली जाणार आहेत. १३ रोजी आमदार नितेश राणेंच्या हस्ते पारितोषिक वितरण करण्यात येणार आहे.
