सावंतवाडी : कुडाळ येथे नुकत्याच झालेल्या वार्षिक सर्वसाधारण बैठकीत कोकण मराठी साहित्य परिषदेची सन २०२५ ते २०२८ या कालावधीसाठीची नवीन कार्यकारिणी जाहीर करण्यात आली आहे. या बैठकीत संस्थापक अध्यक्ष पद्मश्री मधु मंगेश कर्णिक यांच्या सूचनेनुसार, सौ. नमिता रमेश कीर यांची पुन्हा एकदा अध्यक्षपदी तर डॉ. प्रदीप ढवळ यांची कार्याध्यक्षपदी फेरनिवड करण्यात आली.
प्रमुख पदाधिकारी आणि कार्यकारिणीत संस्थापक अध्यक्ष पद्मश्री मधु मंगेश कर्णिक, अध्यक्षा नमिता रमेश कीर, रत्नागिरी, कार्याध्यक्ष प्रा. डॉ. प्रदीप जनार्दन ढवळ, ठाणे,केंद्रीय कार्यवाह माधव विश्वनाथ अंकलगे, मालगुंड प्रा. दीपा ठाणेकर, ठाणे प्रकाश सुंदर दळवी, रत्नागिरी विश्वस्त मंडळात मंत्री डॉ. उदय रवींद्र सामंत, संजय केळकर, अनुप कर्णिक, प्रा. एल. बी. पाटील आणि श्रीम. रेखाताई नार्वेकर यांचा समावेश आहे.
केंद्रीय कार्यकारिणीत मंगेश मस्के, रुजारिओ पिंटो, आनंद शेलार, बाळासाहेब लबडे, संजय गुंजाळ, गणेश कोळी, मोहन भोईर, रूपंचंद भगत, विद्या प्रभू, जगदीश भोवड, तुकाराम कांदळकर, योगेश जोशी, प्रवीण दवणे आणि सुहास राऊत यांची निवड करण्यात आली.
विविध समित्यांची जबाबदारी या बैठकीत विविध समित्यांच्या प्रमुखपदांचीही घोषणा करण्यात आली.
केंद्रीय साहित्य संमेलन समिती: केंद्रीय अध्यक्ष आणि कार्याध्यक्ष
झपुर्झा प्रकाशन समिती: सौ. नमिता रमेश कीर, कवी केशवसुत स्मारक व्यवस्थापन व पुस्तकांचे गाव समिती गजानन पाटील, महिला साहित्य संमेलन समिती: सौ. उषा परब व सौ. वृंदा कांबळी, नाट्य समिती: डॉ. अनिल बांदिवडेकर, किरण येलये, मंदार टिल्लू, अमेय धोपटकर समन्वय समिती रवींद्र आवटी, जयेंद्र भाटकर, अनंत वैद्य, अशोक बागवे, चंद्रमोहन देसाई, विधी व कायदा समिती ॲड. स्वाती दिक्षीत, लेखा परीक्षण समिती मधुकर टिळेकर,
कोमसाप भवन बांधकाम समिती गजानन पाटील, माधव अंकलगे, प्रकाश दळवी, संदीप वालावलकर ही निवड जाहीर करताना वार्षिक सभेत विविध विषयांवर चर्चा झाली. या सभेला सिंधुदुर्ग, रत्नागिरी, रायगड, कर्जत, ठाणे, पनवेल, नवी मुंबई आणि मुंबई अशा विविध भागांतून जिल्हाध्यक्ष आणि सभासद मोठ्या संख्येने उपस्थित होते. जिल्हाध्यक्ष मंगेश मस्के यांनी उपस्थितांचे स्वागत केले.
