कणकवली : आदर्श एज्युकेशन सोसायटी संचलित नॅशनल इंग्लिश मिडीयम स्कूलच्या के.जी.च्या विद्यार्थ्यांनी आज ख्रिसमस आणि नवीन वर्षाच्या स्वागतासाठी शाळेत आयोजित केलेल्या उपक्रमाचा भरभरून आनंद लुटला. के.जी.च्या विद्यार्थ्यांसाठी आज शाळेत ख्रिसमस आणि नवीन वर्षाच्या स्वागतासाठी विविध मनोरंजनात्मक उपक्रमांचे आयोजन केले होते. यामध्ये सांताक्लॉजने विद्यार्थ्यांना चॉकलेटची भेट दिली. त्याचबरोबर त्यांच्यासोबत नृत्याचा आनंदही लुटला. विद्यार्थ्यांसाठी विविध मनोरंजनात्मक खेळ घेण्यात आले. या संपूर्ण कार्यक्रमाची आयोजन केजी शिक्षिका भक्ती पाटील, श्रद्धा आलते व तृप्ती साटविलकर यांनी केले होते.