सावंतवाडी : हिस हायनेस श्री. खेमसावंत भोसले, श्री पंचम खेमराज महाविद्यालय, सावंतवाडी आणि के.एल्.ई. सोसायटी, बेळगाव, के. एल्.ई. युनिव्हर्सिटी, डॉ. प्रभाकर कोरे हॉस्पिटल आणि एम्. आर.सी., बेळगाव जवाहरलाल नेहरू मेडिकल कॉलेज, बेळगाव यांच्या संयुक्त विद्यमाने सावंतवाडी 5 ऑक्टोबर रोजी महा आरोग्य तपासणी शिबिराचे आयोजन करण्यात आले आहे. शनिवार ५ ऑक्टोबर २०२४ सकाळी ९ ते ३ पर्यंत श्री पंचम खेमराज महाविद्यालय, सावंतवाडी येथे हे आरोग्य शिबीर पार पडणरा आहे‌. या सहभागी रुग्णांना मोफत औषधांचे वाटपही करण्यात येणार आहे. त्याशिवाय शस्त्रक्रिया करण्याची आवश्यकता असलेल्या रुग्णांवर विविध योजनांतर्गत शस्त्रक्रिया करण्यात येणार आहे अशी माहिती सिंधुदुर्ग जिल्हा शिक्षण प्रसारक मंडळाचे अध्यक्ष राजेसाहेब खेमसावंत भोंसले यांनी आयोजित पत्रकार परिषदेत दिली. 

ते म्हणाले, या महा आरोग्य तपासणी शिबिरात विविध रोगांचे 19 तज्ञ चिकित्सक उपस्थित राहून तपासणी करणार आहेत.  बेळगाव येथील प्रसिद्ध केएलई रुग्णालयाच्या सहकार्याने प्रथमच शिबिराचे आयोजन करण्यात आले आहे. सावंतवाडी आणि सिंधुदुर्गतील नागरिकांना याचा लाभ होणार आहे. केएलई रुग्णालय प्रसिद्ध रुग्णालय आहे. देशभरात या रुग्णालयाचे नाव आहे. या रुग्णालयात आता विविध महाराष्ट्र शासनाच्या योजना रोगांवर उपचार करण्यासाठी उपलब्ध झाल्यात. त्यामुळे या प्रसिद्ध रुग्णालयाचा लाभ रुग्णांना होणार आहे अशी माहिती राजेसाहेब खेमसावंत भोंसले यांनी दिली. 

युवराज लखमराजे भोंसले म्हणाले, बेळगाव येथील केएलई रुग्णालयाचे डॉक्टर प्रभाकर कोरे यांच्याशी महिनाभरापूर्वी यासंदर्भात चर्चा केली. कोरे यांनी महाविद्यालयामार्फत या शिबिराचे आयोजन करण्याच्या सूचना दिल्या असून त्याला अनुसरून हे शिबिर आयोजित करण्यात आले आहे. या शिबिरात मेंदू रोग, डायबिटीम , दंतरोग, स्त्रीरोग डोळ्याचे विकार, त्वचा विकार, हा विकार, यूरोलॉजी आणि नेपोलॉजी, मानोपचार, नाक , घसा, कान आधी तपासण्या होणार आहेत. तसेच मोफत बीपी, इसीजी इको, ब्लड शुगर चेक सुविधा येथे असणार आहेत. या शिबिराचा जास्तीत जास्त जिल्हावासियांनी फायदा घ्यावा असे आवाहन युवराज लखमराजे भोंसले यांनी केले आहे. यावेळी राजेसाहेब खेमसावंत भोंसले, राणीसाहेब शुभदादेवी भोंसले, युवराज लखमराजे भोंसले, युवराज्ञी श्रद्धाराजे भोंसले, संस्था संचालक सतीश सावंत, अँड. शामराव सावंत, जयप्रकाश सावंत, प्राचार्य डॉ. दिलीप भारमल आदी उपस्थित होते.

मल्टिस्पेशालिटीची मंत्री केसरकरांची गॅरंटी !

मल्टिस्पेशालिटी हॉस्पिटलची गुड न्यूज लवकरच आपल्या मिळणार आहे. आचारसंहितेपूर्वी आम्ही सगळे एकत्र येऊन हा विषय जाहीर करू, मल्टिस्पेशालिटी हॉस्पिटल ही मंत्री दीपक केसरकर यांची गॅरंटी आहे असं विधान युवराज लखमराजे भोंसले यांनी केल. मल्टिस्पेशालिटी हॉस्पिटलबाबत विचारलं असता त्यांनी प्रतिक्रिया दिली.