कणकवली : राष्ट्र सेवा दल आणि अन्नपूर्णा परिवार यांच्या संयुक्त विद्यमाने घेण्यात आलेल्या साने गुरुजी प्रेरणा प्रकल्प राज्यस्तरीय स्पर्धेत कोकण विभागातून विशेष उल्लेखनीय प्रकल्प म्हणून एस. एम. हायस्कूलची विद्यार्थिनी मनाली प्रसन्ना देसाई इयत्ता नववी हिच्या प्रकल्पाची निवड झाली. तिला पुणे येथे राष्ट्र सेवा दलाच्या मध्यवर्ती कार्यालयात राष्ट्र सेवा दलाचे राष्ट्रीय अध्यक्ष माननीय नितीन वैद्य यांच्या हस्ते रोख रक्कम स्मृतीचिन्ह आणि प्रमाणपत्र देऊन गौरविण्यात आले.
तिच्या या यशाबद्दल कणकवली शिक्षण संस्थेचे चेअरमन माननीय डॉक्टर एस. एन. तायशेटे, सचिव डी. एम. नलावडे, उपकार्याध्यक्ष एम. ए. काणेकर, मुख्याध्यापक जी. एन. बोडके, उपमुख्याध्यापक आर. एल. प्रधान, पर्यवेक्षक जी. ए. कदम, सर्व शिक्षक शिक्षकेतर कर्मचारी यांनी तिचे खास कौतुक आणि अभिनंदन केले आहे. प्रशालेतील शिक्षिका गरगटे मॅडम यांनी तिला मार्गदर्शन केले. मनाली हिच्या यशाबद्दल तिचे सर्वत्र अभिनंदन होत आहे.
