कुडाळ : सावंतवाडी संस्थान मराठा समाज मुंबई या संस्थेच्या वतीने संस्थेचे 30 वे जिल्हा स्नेहसंमेलन व विद्यार्थी गुणगौरव सोहळा जानेवारी महिन्यात घेणार आहे. या स्नेहसंमेलनात शिष्यवृत्ती, 10 वी, 12 वी, पदवीमध्ये उच्च श्रेणी प्राप्त विद्यार्थ्यांचा पारितोषिक व प्रशस्तिपत्रक देऊन गौरव करण्यात येणार आहे.

    10 वी मध्ये 90 टक्के गुण व 12 वी मध्ये 75 टक्के गुण प्राप्त झालेल्या, शिष्यवृत्ती मध्ये उच्च श्रेणी तसेच इंजिनिअरिंग, फार्मसी, आयटी, अॅग्रीकल्चर व इतर शाखांमध्ये उच्च श्रेणी प्राप्त झालेल्या मुलांचा गुणगौरव करण्यात येणार आहे. तरी विद्यार्थ्यांनी आपल्या गुणपत्रकाची झेरॉक्स कॉपी मराठा समाज हॉल कुडाळ व सावंतवाडी येथील टि.व्ही. देसाई वसतिगृह सालईवाडा येथे द्यावी. अधिक माहितीसाठी कुडाळ ऑफिस 9527754708 तसेच सावंतवाडी येथे श्री. कोठावळे 8308060880) यांच्याशी संपर्क साधावा असे आवाहन स्थानिक समिती प्रमुख आर. एल. परब यांनी केले आहे.