कणकवली : कुडाळ - मालवण विधानसभा मतदारसंघाचे माजी आमदार वैभव नाईक यांच्या वाढदिवसानिमित्त कणकवली तालुका शिवसेना उद्धव बाळासाहेब ठाकरे पक्षाच्या वतीने मंगळवार, २४ मार्चला सकाळी ९ वाजता कणकवली येथील श्रीधर नाईक चौक येथे रक्तदान शिबीर घेण्यात येणार आहे. तसेच शिवसेनेच्या महिला कार्यकर्त्यांचा सत्कार करण्यात येणार आहे. शिवसेना, युवासेना,महिला आघाडीच्या पदाधिकारी व शिवसैनिक यांनी मोठया संख्येने उपस्थित रहावे, असे आवाहन शिवसेना कणकवली तालुका कार्यकारिणीच्या वतीने करण्यात आले आहे.
