कणकवली : कलमठ ग्रामपंचायत वतीने गणेशोत्सवाच्या काळातील गणेशाचे निर्माल्य घरोघरी संकलन करण्यासाठी निर्माल्य कलश रथ तयार करून घरोघरी जात निर्माल्य संकलन केले. भव्य कलश, सजलवेला रथ घेऊन ग्रामपंचायत शुक्रवारी कलमठ गावात फिरत होती. कलमठ ग्रामपंचायतच्या या नाविन्यपूर्ण उपक्रमाला ग्रामस्थांनी प्रतिसाद देत कौतुक केले. यावेळी गटविकास अधिकारी अरुण चव्हाण यांच्या हस्ते रथाचे उद्घाटन करण्यात आले.
बोलताना गटविकास अधिकारी अरुण चव्हाण म्हणाले, प्लास्टिक नदीमध्ये जाऊ नये यासाठी ग्रामपंचायतीने घेतलेला पुढाकार स्तुत्य आहे. सरपंच संदिप मेस्त्री म्हणाले, मुख्यमंत्री समृद्ध पंचायतराज अभियान मध्ये कलमठ ग्रामपंचायत पूर्ण तयारीने सहभागी होणार असून त्याचेच हे पहिले पाऊल आहे निर्माल्य कलश रथ , स्वच्छ कलमठ संकल्प त्यासाठी कलमठवासियांनी आमच्या प्रत्येक आवाहनाला नेहमीच चांगला प्रतिसाद दिला आहे त्यासाठी सरपंच या नात्याने आभार मानतो.
शुक्रवारी पहिल्याच दिवशी जवळपास २०० घरातील निर्माल्य संकलन करण्यात आले. यावेळी सरपंच संदीप मेस्त्री, उपसरपंच दिनेश गोठणकर , महेश लाड, ग्रामपंचायत अधिकारी प्रवीण कुडतरकर सुनील नाडकर्णी, सदस्य नितीन पवार, अनुप वारंग, सुप्रिया मेस्त्री, स्वाती नारकर, सचिन खोचरे, पपू यादव, माजी सरपंच विनिता बुचडे, प्रसाद घाणेकर, किशोर लाड,आबा कोरगावकर, अनंत हजारे, तेजस लोकरे,मंगेश चिंदरकर, गुरु वर्देकर, जयराम चिंदरकर, प्रथमेश धुमाळे,प्रथमेश मठकर, परेश कांबळी, शाम वर्देकर आणि ग्रामपंचायत कर्मचारी उपस्थित होते .
