कणकवली : सिंधुदुर्ग जिल्ह्यातील जि. प., पं. स. नगरपालिका, नगरपंचायतीच्या निवडणुकामध्ये शिवसेना उबाठा पक्षाचा झेंडा फडकण्यासाठी शिवसैनिकांनी कामाला लागावे. स्थानिक स्वराज्य संस्थांच्या निवडणुका कार्यकर्त्यांच्या निवडणुका आहेत. या निवडणुका जिंकण्यासाठी शिवैनिकांनी अहोरात्र मेहनत घ्यावी. पक्षाचे नेते, पदाधिकारी तुमच्या पाठिशी खंबीरपणे उभे राहतील, अशी ग्वाही ठाकरे शिवसेनेचे सिंधुदुर्ग जिल्हा संपर्कप्रमुख अरुण दुधवडकर यांनी दिली.
कणकवली विधानसभा मतदारसंघात अंगर्तत जिल्हा परिषद, पंचायत समिती व नगरपंचायतीची आढावा बैठक कणकवली विजयभवन येथे पार पडली. यावेळी उपजिल्हाप्रमुख संदीप कदम, कणकवली तालुकाप्रमुख कन्हैया पारकर, देवगड तालुकाप्रमुख रवींद्र जोगल, वैभववाडी तालुकाप्रमुख नंदू शिंदे, सुनील तेली, दिनेश नारकर, तेजस राणे, वैभव मालंडकर, सचिन सावंत, युवासेना कणकवली तालुकाप्रमुख उत्तम लोके, युवासेना देवगड तालुकाप्रमुख गणेश गावकर, युवासेना वैभववाडी तालुकाप्रमुख रोहित पावसकर, जितेंद्र तळेकर, आशिष मेस्त्री, यशवंत गवाणकर, सर्यकांत परब, रमाकांत मोरे, जयेश धुमाळे, सुमित राणे, गुलझार काझी, ओमकार इस्वलकर, श्रीकांत गावकर, रमेश राणे, सिद्धेश राणे, सचिन सुतार, निलेश राणे, प्रतिम रावराणे, तात्या निकम, स्वप्नील रावराणे, रोहित राणे, अनंत राणे, अतुल सदडेकर, प्रकाश भोगटे, सतीश थोटम, सुहास वाडेकर, शशांक तवडे, वैभव कांबळे, विष्णू सावंत, सुनील कुले, बाळा राऊत, महेश कोदे, सुजित जाधव, लक्ष्मण रावराणे, सुनील तिर्लाॅटकर, जयवंत मिठबावकर, अभिषेक कदम, सुरेश जाधव, सुधाकर साटम, गौरव सावंत, रमाकांत राणे, विठोबा गुरव, जावेद पाटणकर, सागर गोरुले, विक्रांत नाईक, मंथन पांचाळ, सचिन पवार, वैभववाडी महिला तालुका संघटक दिव्या पाचकुडे, महिला तालुका अध्यक्ष माधवी दळवी, कणकवली तालुका संघटक दिव्या साळगावकर, तालुका उपसंघटक संजना कोलते, तालुका उपशहरसंघटक रोहिणी पिळणकर, देवगड विभाग प्रमुख रेश्मा सावंत, कासार्डे विभाग प्रमुख सारिका खरात, महिला कलमठ विभागप्रमुख धनश्री मेस्त्री, कलमठ ग्रा. पं. सदस्य हेलन कांबळे यांच्यासह कणकवली विधानसभा मतदार संघातील शिवसैनिक उपस्थित होते.
अरुण दूधवडकर म्हणाले, जिल्हा परिषद, पंचायत समिती व नगरपंचायत या कार्यकर्त्यांच्या निवडणुका आहेत. त्यामुळे पक्षनेतृत्व कार्यकर्त्यांच्या मागे ठाम उभे राहणार आहे. कार्यकर्त्यांनी आता जोमाने काम करून जिल्हा परिषद, पंचायत समिती व नगरपंचायत वर सिंधुदुर्ग जिल्ह्यात भगवा फडकवला पाहिजे.
संदेश पारकर म्हणाले, शिवसेनेला संघर्षाचा काळ हा काय नवा नाही. या संघर्ष काळात पदाधिकाºयांची ही उपस्थिती पाहून कार्यकर्त्यांना आपली निवडणूक आता लढावायची संधी मिळणार आहे. त्यामुळे त्या संधीचे रूपांतर हे विजयात मिळेल. आगामी स्थानिक स्वराज्य संस्थांच्या निवडणुका शिवसेना ठाकरे पक्ष त्याच ताकदीने उतरेल व जास्तीत उमेदवार उभे करून ते विजयी होतील, असा विश्वास त्यांनी व्यक्त केला.
सुशांत नाईक म्हणाले, कणकवली विधानसभा मतदारसंघात आजही शिवसेना ठाकरे पक्ष संघटना लोकसेवेत कार्यरत आहे. तसेच जि. प, पं. स. व नगरपंचायत निवडणुकांमध्ये सगळे उमेदवार उभे केले जातील. या मतदारसंघात प्रतिस्पर्धांना शिवसेना ठाकरे पक्षाकडून लढत दिली जाणार आहे. कार्यकर्त्यांच्या मागे संघटनेने भक्कमपणे राहणे गरजेचे आहे. संघटना त्याच ताकदीने कार्यकर्त्यांच्या मागे उभी राहिल्यास जास्तीत जास्त उमेदवार निवडून येतील असा विश्वास त्यांनी व्यक्त केला.
