देवगड : देवगड येथील इनामदार श्री देवी भगवती संस्थान, कोटकामते यांच्या मार्फत रुग्णवाहिकेसाठी देणगीकरीता सामाजिक आवाहन देवी भगवतीच्या भक्तांना करण्यात आले होते. कोरोनासारख्या महामारीत आरोग्य विषयक गोष्टींची किती आवश्यकता आहे. हे या काळात लोकांना समजले त्यातीलच महत्त्वाचा भाग म्हणजे रुग्णाना ने आण करण्यासाठी लागणारी रुग्णवाहिका, या आवाहनाला साद देत निस्वार्थ भावनेने देवी भक्त आनंद तानवडे यांनी कृष्णाबाई शंकर ( मास्तर ) तानवडे आणि निता तानवडे यांच्या नावे आई श्री. देवी भगवती चरणी अर्पण केली. हे सामाजिक कार्य यशस्वी करण्यासाठी नाना तानवडे यांनी विशेष मेहनत घेऊन या सामाजिक कार्यात अत्यंत महत्त्वाचे सहकार्य केले.
या रुग्णवाहीकेचा रुग्णवाहीका अर्पण सोहळा दिनांक २६ मे रोजी श्री देवी भगवती मंदिर कोटकामते येथे अत्यंत उत्साहात आणि फटाक्याच्या जल्लोषात पार पडला या सोहळ्याला कोटकामते ग्रामस्थ, देवी भगवतीची भक्त मंडळी तसेच इतर मान्यावर उपस्थित होते यात देवस्थानचे आजी व माजी विश्वस्त, देव कुणकेश्वर ट्रस्ट अध्यक्ष संतोष लब्दे, सदस्य संजय आचरेकर, कोटकामते गावचे सुपुत्र नौसेना अधिकारी . मंगेश दळवी, कोटकामते ग्रामपंचायत सरपंच सौ. त्रुतुजा खाजणवाडकर, तंटा मुक्ती अध्यक्ष तुकाराम राऊल, खुडी सरपंच . दीपक कदम, डॉ. सुशांत माणगावकर, सोसायटी चेअरमन . संजीव मेजारी ई. मान्यवर उपस्थित होते.
