देवगड : देवगड तालुक्यातील साळशी येथील इनामदार श्री देवी पावणाई देवी देवालयात वार्षिक हरिनाम सप्ताह गुरुवार ११ सप्टेंबर ते बुधवार १७ सप्टेंबर या कालावधीत आयोजित करण्यात आला आहे.
ऐतिहासिक वारसा लाभलेल्या व चौ-यांऐशी खेड्यांचा अधिपती असलेल्या साळशी येथील इनामदार श्री देवी पावणाई देवी देवालयात वार्षिक हरिनाम सप्ताह निमित्त विविध धार्मिक कार्यक्रमांचे आयोजन करण्यात आले आहे. या हरिनाम सप्ताहात भजनी मेळे, दिंड्या घेऊन सहभागी व्हावे.व पांडुरंगाच्या दर्शनाचा लाभ घेऊन हरिनाम सप्ताहाची शोभा वाढवावी असे समस्त ग्रामस्थ मंडळी, बारा-पाच मानकरी व देवस्थान विश्वस्त समिती यांच्या वतीने आवाहन करण्यात आले आहे. तसेच सांयकाळी ७ ते ९ या वेळेत येणाऱ्या भजनी मंडळींसाठी महाप्रसादाची सोय करण्यात आली आहे.
