वेंगुर्ले : मत्स्य व बंदर विकास मंत्री तथा सिंधुदुर्ग जिल्ह्याचे पालकमंत्री नितेश राणे आज वेंगुर्ले शहरातील नागरिकांशी संवाद साधणार आहेत. नगरपरिषद निवडणुकीच्या पार्श्वभूमीवर भाजपचे नगराध्यक्ष पदाचे उमेदवार दिलीप उर्फ राजन गिरप तसेच सर्व नगरसेवक उमेदवारांच्या प्रचारार्थ आज पालकमंत्री नितेश राणे वेंगुर्ले येथे येणार आहेत.
आज सायंकाळी शहरातही ५ ठिकाणी पालकमंत्री नितेश राणे मतदारांशी संवाद साधणार आहेत. सायंकाळी ४ वाजता प्रभाग २ मधील पिंटू सावंत यांच्या घरी, सायंकाळी ४.४५ वाजता प्रभाग ७ मधील राजवाडा येथील किरण कुबल यांच्या घरी,
सायं ५.३० वाजता प्रभाग ६ मधील गिरपवाडा येथील सदानंद गिरप यांच्या घरी , सायं. ६.१५ वाजता प्रभाग ८ मधील आराधना कॉम्प्लेक्स येथे तर सायं ७ वा. प्रभाग ३ मधील गौरी मराठे यांच्या घरी मतदारांशी संवाद साधणार असल्याची माहिती तालुकाध्यक्ष पप्पू परब यांनी दिली आहे.
