सावंतवाडी : निगुडे ग्रामपंचायतमध्ये माहिती अधिकाराखाली माहिती मागवण्यात आली होती. या माहितीमध्ये नळ पाणी पुरवठा पाणी बिल विलंब आकार तसेच युनिट दर वाढ व दरवाढ कमी यासंदर्भात माहिती मागवण्यात आली होती. परंतु, माहिती ग्रामसेविका तथा जनमाहिती अधिकारी अक्षता गोसावी व सरपंच लक्ष्मण निगुडकर यांनी संगनमत करून अर्धवट व खोडसाळ माहिती दिल्याचा आरोप सामाजिक कार्यकर्ते संतोष राणे यांनी केला आहे.
तसेच पाणी बिलाचे जुने दर ११ रुपये प्रती युनिट हे दर ग्रामपंचायतसाठी नुकसानीचे व नविन दर ७ रुपये प्रती युनिट हे दर फायद्याचे म्हटले आहेत. यावेळी नळयोजना लाईट बिल हे नळयोजनेच्या फंडातून भरल जात होत व आज नळकामगाराचा पगार द्यायला पैसे नाहीत व लाईट बिल १५ वित्त आयोगातून भरल जातयं हा फायदा असून आता हे शिक्षण कुठे भेटत याची चौकशी करावी लागेल. हा शिक्षणाचा अपमान नाही का ? तसेच ग्रामपंचायत कडून सर्व नळधारक यांचेवर पाणी चोरी सारखा गंभीर आरोप लेखी स्वरूपात करणेत आलेला आहे. याची संबंधीत यंत्रणेने योग्य दखल न घेतल्यास पालकमंत्री नितेश राणे यांची भेट घेवून निवेदन देणार आहे . त्यानंतर सरपंच व ग्रामसेवक यांचे विरुद्ध कोर्टात अब्रु नुकसानीचा दावा दाखल करणार असल्याचे संतोष राणे यांनी सांगितले. तसेच दोन्ही व्यक्तीच्या निलंबनाची देखील मागणी करणार असल्याचे त्यांनी प्रसिद्ध पत्रकात म्हटले आहे.
