दोडामार्ग : राज्य परिवहन सावंतवाडी आगारातील दोडामार्ग तालुक्यातील एस.टी. बस फेरीत मंगळवार दिनांक १३ मे २०२५ पासून खालीलप्रमाणे बदल करण्यात आला आहे. याची प्रवाशांनी नोंद घ्यावी असे आवाहन करण्यात आले आहे.
सावंतवाडी-दोडामार्ग ही बस बांदा, कोलझर, कुंब्रल- भरपाल मार्गे येणार असून सावंतवाडी येथून सकाळी ७.१५ सुटणार असून दोडामार्ग येथे ९.१५ पोहचणार आहे. दोडामार्ग - तिलारी ही बस सकाळी दोडामार्गहून सकाळी १० सुटणार तिलारी येथे १०.३० वाजता पोहोचणार आहे. तिलारी-दोडामार्ग ही बस सकाळी १०.४० मिनिटांनी तिलारीतून सुटणार व दोडामार्ग ला ११.१० वा. पोहोचणार आहे. दोडामार्ग -बेळगाव ही बस भेडशी- तिलारी मार्गावरुन दोडामार्ग शहरातून ११.४५ मिनिटांनी सुटणार व बेळगाव येथे २.४५ वाजता पोहोचणार आहे. बेळगाव -सावंतवाडी ही बस पावणेफाटा, चंदगड फाटा, आंबोली मार्गे बेळगाव येथून संध्याकाळी ४ वाजता सुटणार व ७.१५ मिनिटांनी सावंतवाडी येथे पोहोचणार आहे.
