सावंतवाडी : उपजिल्हा रुग्णालयामध्ये परिचारिका व कर्मचाऱ्यांकडून हॉस्पिटल परिसराची स्वच्छता करण्यात आली. दर सोमवारी सकाळच्या सत्रात हा उपक्रम राबविण्यात येणार आहे असे वैद्यकीय अधिक्षक डॉ. गिरीश चौगुले यांनी सांगितले. या उपक्रमात हॉस्पिटलमधील सर्व विभागातील कर्मचाऱ्यांनी उत्स्फूर्त भाग घेतला. या स्वच्छता अभियानाचा हा दुसरा सोमवार आहे. यापुढेही दर सोमवारी हॉस्पिटल परिसरात अशाच प्रकारे स्वच्छता मोहीम हाती घेतली जाणार आहे असेही ते म्हणाले. यावेळी उप जिल्हा रुग्णालयाचे डॉक्टर, परिचारिका आदी उपस्थित होते.
