सावर्डे : गांधी रिसर्च फाउंडेशन जळगाव यांच्या वतीने शैक्षणिक वर्ष 2024-25 मध्ये गांधी तीर्थ स्वच्छ शाळा  या राज्यस्तरीय प्रतियोगितेचे आयोजन करण्यात आले होते.या राज्यस्तरीय स्पर्धेत सह्याद्री शिक्षण संस्थेच्या गोविंदराव निकम माध्यमिक उच्च माध्यमिक विद्यालयाने  राज्यस्तरावरील एक लाख रुपयेचे प्रथम क्रमांकाचे बक्षीस व प्रशस्तीपत्र जिंकून सह्याद्रीच्या शिरपेचात मानाचा तुरा खोवला आहे.

महात्मा गांधीजी यांचे स्वच्छते विषयीचे महत्व समाजामध्ये रुजली जावे विद्यार्थ्यांच्या आंतरिक व बाह्य स्वच्छतेबरोबर समाजातील विविध घटका त असणारे स्वच्छतेविषयीचे गैरसमज दूर होऊन वास्तविक परिस्थितीचे जाणीव निर्माण व्हावी या उद्देशाने या राज्यस्तरीय स्पर्धेचे आयोजन करण्यात आले होते या स्पर्धेचा  पारितोषिक वितरण समारंभ नुकताच जैन हिल्स जळगाव येथील भव्य कस्तुरबा गांधी सभागृहात पार पडला याप्रसंगी पुणे येथील सागर मित्र अभियानाची सह संस्थापक विनोद बोधनकर, महाराष्ट्र शासनाच्या शिक्षण विभागाच्या राज्य सल्लागार परिषदेचे सदस्य अनिल बोरनारे, जळगाव जिल्हा परिषदेच्या सीईओ मिनल करनवाल, अशोक जैन अंबिका जैन गिरीश कुलकर्णी आदी मान्यवर उपस्थित होते. राज्यातून 1400 विद्यालयांनी या स्पर्धेत सहभाग नोंदवला होता. मात्र सह्याद्रीच्या सावर्डे विद्यालयाने प्लास्टिक मुक्ती शाळा स्वच्छता परिसर स्वच्छता ग्रामस्वच्छता प्लास्टिक मुक्ती, वैकुंठ भूमी स्वच्छता पानवठा स्वच्छता, प्लॅस्टिकचे पुनर्वापर अथवा त्याची योग्य विल्हेवाट या उपक्रमावर वर्षभर अतिशय परिणामकारक काम करून समाज जागृती करण्यासाठी विशेष भर दिला. याचे मूल्यमापन नुकतेच एप्रिल महिन्याच्या अखेरीस पार पडले. व सह्याद्रीच्या या विद्यालयाने मुख्यमंत्री माझी शाळा सुंदर शाळा टप्पा क्रमांक एक वर विभागात दुसरा क्रमांक प्राप्त करून टप्पा क्रमांक दोन मध्ये जिल्ह्यात प्रथम क्रमांक प्राप्त केला व सलग तिसऱ्या वर्षी राज्यस्तरीय स्पर्धेत एक लाखाचे बक्षीस प्राप्त केले. 

 विद्यालयाने सातत्यपूर्ण कामगिरी करून या स्पर्धेत प्रथम क्रमांकाचे पारितोषिक प्राप्त केल्याबद्दल विद्यालयाचे प्राचार्य राजेंद्र वारे, उपप्राचार्य विजय चव्हाण, पर्यवेक्षक उद्धव तोडकर, गांधी तीर्थ स्वच्छ शाळा समन्वयक जयंत काकडे, विद्यालयाचे सर्व शिक्षक,शिक्षकेतर कर्मचारी व विद्यार्थ्यांचे संस्थेचे कार्याध्यक्ष व आमदार शेखरजी निकम, ज्येष्ठ संचालक व शालेय समितीचे चेअरमन शांताराम खानविलकर, संस्थेचे सर्व संचालक, सचिव महेश महाडिक, शालेय समिती सदस्य, पालक, शिक्षक संघ सर्व सदस्य व शिक्षण प्रेमींनी विद्यालयाचे कौतुक केले आहे. राज्यस्तरीय प्रथम क्रमांकाचे पारितोषिक स्वीकारताना प्राचार्य राजेंद्र वारे पर्यवेक्षक उद्धव तोडकर व शिक्षक